Ethigathano lyaMiss Namibia ewanawa

0
44

SABINA ELAGO

Windhoek- Ethigathano lyomukadhona dhingi omuNamibia [Miss Namibia 2017] ndyoka lya li ko Olyomakya ga piti otaku tiwa olyo limwe lyomwaangoka ga dhenga mbanda. Yamwe inaye li popya ya kuutumba oshoka olya li tali nyanyudha unene.

Pethimbo ndika aahondji naakondi yiizalomwa yaakadhona mboka ya kutha ombinga ayehe aaNamibia, moka omuhondji Mc Bright Kavari a kondo iikutu yopetsakaneno, lyo ehangano lyokunduluka iizalomwa lyedhina My Republik- olyo lya zaleke aathigathani mbaka iizalomwa yomutenya ye Donald Diergaardt teya zaleke mbyoka yokongulohi. Oshitopolwa oshipe sha gwedhwa kethigathano lyonuumvo ooshoka shoku hiya mboka yali nale aakadhona dhingi monakuziwa ya kale wo poshiithanene shika, noku gandja omaiyuvo gawo kombinga ya nkene shika ye shi wete. Mboka ya hiywa oya kwatelamo naamboka ya li ooMiss Namibia konyala konima yomimvo 30 nenge dhi vule po.

Mbaka oya li wo ya pewa ompito oku enda koshitaafula, oku ulika kutya natango oye li nawa na otayi i monikila mokati kaakiintu aawanawa.

“Onda li nda fuulwa kiitopolwa ya yooloka mbyoka ya li ya tunga po ethigathano lyonuumvo” osho Miss Namibia 2012, Tsakana Nkandi a popi. Iilongadhalwa mbyoka ya tetekele euliko lyomukadhona kwaanawe moNamibia Olyomakaya ngaashi omaudhano, osho wo okukala momaipyakidhilo gomasiku gatano gokudheulwa noku kala pamwe noothigwa osho wo aanona mboka yeli muupyakadhi okupitila miilonga yokugandja oyimwe yaambyoka ya longo aathigathani mbaka oshindji.

Nkandi okwa ti iilongadhalwa ayihe mbika otayi kwathele okulongekidha aakadhona mbaka moku ka kutha ombinga methigathano lyoludhi nduka pomuthika gwopauyuni.

“Ethimbo ele lya piti otwa kala noku idhimbika okutala kombinga yiitalendi, iilonga yuusahenda nayilwe’ osho Nkandi a gwedha ko.
Pompito oyo tuu ndjoka, Miss Namibia 2016 okwa lombwele Kundana kutya okukutha ombinga methigathano ndika okwe mu pe ompito ombwaanawa opo a koke.Okwa halele Miss Namibia 2017 Sune Januarie elago nompolo mesindano lye.

“Ndika olyo ethigathano ewanawa lya Miss Namibia nda mona, unene tuu okushi talela melongekidho lyalyo, na ishewe ndika olya li lyi ikalekelwa . “Iizalomwa nayo oya li iiwanawa” osho Melania Simeon ngoka wo a li poshiithanene shika a hokolola. Omukiintu omugundjuka Nelao Immanuel, ngoka wo a li poshiithanene shika okwa ti “ shika osha li shu udha iinima niiningwanima iinyanyudhi, yomaludhi ga yooloka osho wo iiyetwa po yuunkulungu”. “Oshali nawa na onde shi tyapula lela” Romeo Mouton, hekulu yomuprincess gwotango, Romilly Mouton a ti.

Omuhondji gwiizalomwa, Mc Bright Kavari naye okwa li a fuuka koshituthi shika. Okwa ti ekale po lyooMiss Namibia yomomimvo dha pita olya li, li na okukala lya ningwa nale monakuziwa.

“Omutekulu gwandje oye a sindana oshikoloni shuukadhona dhingi, ngame ondi shi uvitile uuntsa nuunambano, no ndi itaala ye otaka eta po elunduluko muMiss Namibia monakuyiwa,” osho Hurmon Januarie, hekulu yaMiss Namibia 2017 a ulike.
Omusindani Suné Januarie gwokoRehoboth ngoka oye a zalekwa oshishani shuuMiss Namibia 2017 okwa li a nyanyukwa no ita, itaale kutya shoka sha ningwa osho, oshili. Romilly Mouton a za koSwakopmund oye eya pehala lyuuprincessa wotango omanga Tessia Mutwamezi gokoRundu eya pehala etiyali lyuuprincessa.

LEAVE A REPLY

Please enter your comment!
Please enter your name here