Euliko lyaMiss Brand Namibia otali ningilwa moVenduka

0
61

PINEHAS NAKAZIKO

Euliko netseyitho lyomukadhona ano Miss Brand Namibia ndyoka hali ningilwa konyala aluhe monooli yoshilongo omimvo dha piti nuumvo otali ningilwa moshiladnopangelo oVenduka.

Miss Brand Namibia nuumvo ota ka ningwa muSepetemba pahapu dha Maija Shapwa ngoka eli omu eti po na gumwe gwomaalongekidhi yoshituthi shika.

Shapwa okwa ti elalakano lyokuningila ethigathano ndika moVenduka omvula ndjika omolwa omwaalu gwaantu oyendji mboka yeli mo, nooyene yiizalomwa yomoshilongo oye shi gamena moVenduka.

“Omvula ya ziko ooyene yiizalomwa kayali taya vulu okuya konooli esiku lyethigathano ndika, naashika okwali she tu etele omashongo ga yoolokathana tu ninge oonkambadhala dha yoolokathana,” Shapwa ta ti ngaaka.

Ethigathano ndika olya nuninwa okugandja ompito ombwaanawa komahangano gomoshilongo gokunduluka iizalomwa, moku ulika uunongo wawo tashi pitile muukadhona mbuka.

Euliko ndika okwali lya etwa po mo 2015 kaamwayina yaali Maija Shapwa naMelkisedek Shapwa, nomumvo gwayi okwali lya ningilwa mOngwediva.

Shapwa okwa ti ooyene yiizalomwa ohaya gandja konyala okakadhona kamwe hoka taka ka ulika oonguwo dhawo, nako oko taka kalela po omizalo ndhika.

Shapwa okwa gwedha po ta ti oshituthi shika ihashi tala ashike kiizalomwa, ashike nokomanzuna ngoka haga ulike uunongo wago mokukatuka.

“Aakadhona oyendji aashona ohaya kala yena ondjodhi moku enda, naashika ohatu shi ningi opo tu ya pe oompito ombwaanawa,” Maija ta ti.

Okwa gwedha po ta ti nonando ha aakadhona ayehe taya ka sindana, poshituthi, otapu ka kala omahangano ogendji ngoka haga shaina uukudhona dhingi.

LEAVE A REPLY

Please enter your comment!
Please enter your name here