Melelo laLüderitz va kumaidwa vaha longife oingangamifi.

0
42

Tuulikki Abraham

Lüderitz – Omutumba wokupashula ovanailonga melelo lodoolopa yaLüderitz wali mosaala yaBenguela, oshivike shaya, owa kundafana omikalo nda yooloka dokukondjifa oingangamwifi.

Omupedu Meya waLüderitz Brigitte Frederiks mokutambulako ovanailonga ovo vali va ongala okwa tumbula kutya, 26 June efiku lopaiwana tali kunghilile oshiwana shi, li kaleke kokule nokulongifa oingagamifi.

Omupedu Meya ta yelifa kutya, elelo lodoolopa ola unganeka opo ovanailonga melelo lodoolopa, va pashulwe nova kumaidwe, vaha longife oingangamifi, omanga kuliwe moshivike shokupashula oiwana ili vangeke okulongifa oingangamifi.

“Eli oli li ashike etameko nena, otwa ongaleka ashike ovanailonga, ashike oshikando tashi landula ohatu ufana ovakalimo aveshe modoolopa. Opo oshiwana shi pashulwe, noshikumaidwe, shi li kelele kokulongifa oingangamifi, osho yo elongifo lomalodu sha pitilila.” Fredricks osho a popya.

Moshipopiwa shaye okwa tumbula nghene sha fimana okudimbuluka omupopepi, oo a kwatwa ko kelongifo loingangamifi, oshoyo kelongefo nai lomalodu.

Ta ti oingangamifi ohaidulu okunyonauna ouluvi womunhu, osho hashi eta shikufe nomadilaadilo omunhu ponhele.
Ta tumbula kutya olopota oya popya kutya moshitopolwa sha //Karas omuna elongifo loingangamifi, lili pombada, unene tuu mokati ko vanyasha. Kwaashi omupedu Meya okwa indila oshiwana shiyandje ekwafo kwaavo veli monghalo yokulongifa oingangamifi, va kumaidwe,unene tuu ovanyasha ovo veli oshiwana shokomongula.

Frederiks ta twikile nokupopya kutya oingangamifi, otai dipaya po ovanyasha ovo veli eengudi doshilongo, navali oingangamifi, otai hanaunapo eefamili.

“ Oshiwana natu li mangeni kumwe tu lwifeni elongifo loingangamifi, nelongifo nai lomalodu”. Fredericks osho a indila.
Kansela melelo lodoolopa ya Lüderitz, Bettry Wilskuit okwa ulika nghene oingangamifi haidulu oku etela omunhu, oupyakadi wopamadilaadilo.

Ta ti, omunhu ngee okwalongifa oingangamifi, ndele tai mu etele, oupyakadi, oo ihau taalele ashike mwene ou a longifa oingangamifi, ndele oupyakadi ohau kwata yoo ava veli pomudingonoko. Omunambelelwa omukulunhupitifi melelo laLüderitz Aunie Gideon okwa shiivifila ovanailonga, kutya ou te ke li hanga a kwatwa kelongifo loingangamifi, nelongifo nai lomalodu, ota dulu okushiivifila ombelewa, koshikondo shonghalonawa, nombelewa otai fi oshisho okukonga ekwafo opo tali monika.

LEAVE A REPLY

Please enter your comment!
Please enter your name here