Omuhikingalo Maestro ta ka etelela oshindji

0
136

PINEHAS NAKAZIKO

Omwiimbi a tseyika nawa mokwiimba oongalo oombwaanawa, Willem Iiyambo nedhina lye moongalo Maestro okwa ti nuumvo otapu katya pwaka oshoka otaka etelela oshindji noshitalenti she sho ku imba, nomuhingo gwe gwoongalo otagu ka lunduluka.

Oshiwike shika Maestro okwa tseyithile Kundana ta ti oti ilongekidhile okupititha oalbuma ye ontiyali, ndjoka taku tengenekwa tayi ka pita pehulilo lyomwedhi nguka nenge Aguste.

Oalbuma ndjika otayi ka kala yi na oongalo 17, naamuka ota ka imba nawa lela. Omulyo goongalo dhe otagu ka lunduluka okuza koKwaito, okuya koAfro Pop noHouse. Maestro okwa gwedha po ta ti oalbuma ye yotango okwali ashike oku mu tseyithila mehangano lyoongalo, naandjoka ontiyali oku li ta longo nuudhiginini.

Kakele kwaashoka, Maestro okwa ti ye ota pititha okangalo ke okape kedhina Inda, moka taka kwathelwa kuFishman. Ongalo ndjika otayi piti oshiwike tashi ya onga ehwahwameko lyoongalo ndhoka tadhi ka kala moalbuma ye ontiyali. Ongalo otayi popi kombinga yohole ndjoka tayi tengauka.

Maestro omuhikingalo ngoka a kala ashike nokwiimba omathimbo ga zi ko no ka li ena iihikomwa yili moalbuma.
Omvula ya zi ko okwa pititha ehwata lyoongalo  ndhoka oombwaanawa, lyedhina No Pain No Gain, ndyoka lyali lyi ihanene oshilongo ashihe,

Oongalo tadhi dhana onkandangala ongaashi Momutima Wange, Sometimes, Deer God, No Pain No Gain naHundaza. Oongalo odhindji okwa li dholudhi lwoKwaito noHip-hop. Moalbuma ndjoka okwa li a longo naahikingalo ngaashi Fishman, Jason & Stars, Exit, Leo-Boy, Satlam nosho tuu.

LEAVE A REPLY

Please enter your comment!
Please enter your name here