Ovanailonga tava ningi omapekaapeko

0
140

Komutoolinghundana

ONANKALI – Ovanailonga veyandjo lomeva komikunda domOshikoto 37 otava ningi omakonaakono momaumbo omoshitukulwa e dule omayovi 40. Ouyelele owa yandjwa komukwatelikomesho woshitukulwa sheyandjo lomeva momikunda moshitukulwa shaShikoto Steven Tuukondjele a tonga kutya ava otava kala mo eemwedi nhatu.

Tuukondjele ta yelifa kutya ava ova tameka oshivike oshitivali shaJuni, noshinima eshi omhangela yepangelo NDP5 noHarambee opo okuka fika komudo 2030 eumbo keshe moshilongo li kale nomeva a yela nokandjuwo. Epangelo ola hala paha kale ou ta tavakana eekilometa di dule nhano okuteka omeva, onghee omapekaapeko aa okwa tameka eshi omakango neendobe tadi pwiinine nokushiiva onghalo yoshiwana.

Tuukondjele okwa ti oikandjohoololo tai fi enota unene Eengodi, Okankolo noshaNehale lyaMpingana kuhe na outalameno womeva odula nomaloli okwa tameka kufindikila omeva koshiwana. Okwa fatulula kutya, eloli keshe ohali umbata eelitera domeva 10 000 hadi pimhilwa motenga omo hamu tekwa kovanamikunda, keefikoa noipangelo.

Omunambelewa omukwateli komesho woshitukulwa shetukulo lomeva momikunda mOshikoto ta weda po kutya, oshiwana nashi shiive kutya omukalo wokufindikila omeva komikunda ou na ondilo, eloli lokutwala omeva ohali tutu oikando itatu fiyo ine oufiku nomutenya nohali longifa omahooli mahapu. Okwa ti, omeva haa di kokule otaa longifwa ashike kovanhu, kakele oimuna oi na kuxwiilwa momifima neendungu.

Tuukondjele okwa kumaida oshiwana shi kwate nawa omeva nokutula moilonga omhangela ei i kale ye lixwa po, okuka fika komudo 2030 paha kale omunhu te liyakulile moixwa. Ta weda po kutya, nande ondunge yetungo loundjuwo ya tamekwa yoo mokoitukulwa ikwao oshiwana oshi na kulongwa nghee oshiwana sha pumbwa omadeulo okutunga oundjuwo vopamufika muwa. Okwa ti otashi dulika oundjuwo vokupombwa va tungwe momikunda, nongee ova yada onyata oi na kutilwa komatale ohanya kukelelwe etandavelo lomikifi.

Pexulilo omunambelewa womeva momikunda okwa pandula oshiwana mokuyandja elongolo kumwe la halika nosha ulika olupandu kondunge ye andjaneko lomeva noundjuwo momikunda.

LEAVE A REPLY

Please enter your comment!
Please enter your name here