Ya dhimbulukwa esiku lye ndjango lyomalutu muuyuni

0
38

SHIPI ELAGO

OSHAKATI-Aaniilonga muMuni gwaShakati oya li ya ningi omadhewo oshiwike sha zi ko okudhimbulukwa esiku lyokuninga omadhewo muuyuni ndyoka ha li dhimbulukiwa muuyuni awuhe pehulilo lya Juni. Aaniilonga yakwatelwa komeho kuMeya opamwe nOmunambelewa omukuluntupitithi oya li ya nyanya okuza pokapale kemanguluko mOshakati sigo opoombelewa dhaMuni modoolopa oyo tuu ndjoka.
Omugandjimulombo melelo Katarina Kamari okwa li a hololele Kundana nkene aaniilonga ayehe yaMuni ya li ya kwata ondjuhwa komulungu opo ya kuthe ombinga momadhewo ngoka ga li ga ningwa pokati kotundi ontiheyali notundi ontihetatu.

Okwa ti esiku ndika ohali dhimbulukiwa muuyuni awuhe okukaleka omalutu gandjanga noku humitha komeho uundjolowele.
Okwa ti elelo lyaShakati olya tokola opo li kale hali dhimbulukwa esiku ndika kehe omumvo nomunyanyo gwowina ngaashi ye shi ningi nuumvo.

Okwa ti elelo olya tula omaudhano mu yimwe yomiilalakanenwa yawo, moka ya hala oku eta po omahala gokudhanenwa ngele pwa monika oshimaliwa.

Pethimbo ndika Oshakati oshina ashike okapale kamwe hoka ke li kohi yuuministeli wOmaudhano.
Uunona owundji ohawu dhananene omaudhano gawo momapandaanda oshoka natango ka mu na ehala moka taya vulu oku dhanena ya manguluka na oli li pamuthika opo ya humithe komeho uunongo wawo.

LEAVE A REPLY

Please enter your comment!
Please enter your name here