Ondangwa Social League otayi humu nawa komeho

0
99

SHIPI ELAGO

ONDANGWA-Oliha yaadhani aakulu mOndangwa otayi pula komeho nawa konima yomaudhano gatano sho edhingoloko lyotango lya li lya tameke kuyele nuumvo.

Osipana yOndangwa Masters otayi ningi shanamutango kesindano sho yi li yi iyakamo mu yakwawo na ota yi hili okatemba koliha ndjika niitsa 12 konima sho ya li ya dhenge mo KK Palace Legends 1-0 Olyomakaya ga zi ko muudhano mboka wa li itaa wu nuwa omeya.
Iizemo iinene yesiku oya li pokati kosipana yoAll Stars nOndangwa Legends moka All Stars ya li ya dhenge mo Ondangwa Legends 4-1 noku nukila pehala etiyali okuza pombanda.

Oshiko AmaTeachers oya li ya ndopa oku mona iitsa yiihwapo konima sho ya li ya dhana shithike pamwe 3-3 nOluno CF Social Team, na oya hakela pehala etitatu niitsa 9, omanga Oluno CF Social Team yi li puutine konima yomaudhano gatano.
Oluno Shoprite FC oya li ya ikuthile ko onyambi koomitili yokOluno konima sho ya li ya dhengemo osipana yOluno Ama Teachers 4-2 noku ya pehala etitano.

KK Palace Legends okwa li a ndopa oku mona nando oshitsa shimwe mehuliloshiwike konima sho a li a dhengwa mo 1-0 kOndangwa Masters na iizemo mbika oye ya thiga ta ya tulamo ongela yokonima yathinda pehala etihamano.

Pehala etiheyali opuna Oluno Ama Teachers, omanga Ondangwa Legends oyo ta yi etelele okano muudhano mbuka yili pehala etihetatu nolyahugunina.

Ngula omakondombolo ota ga tsikile no ku kondjela ehete muudhano mbuka sho Ondangwa Legends ta yi kiikwata noKK Palace potundi ontiyali yomoshaanga shomutenya, omanga Oshikoto Ama Teachers tayi ki ikwata nOluno CF Team potundi ontine yokomatango.
Mosoodaha Oluno Ama Teachers ota ya kaya mondambo na All Stars muudhano wotango, omanga Ondangwa Masters otayi ki ikwata nOluno Shoprite.

LEAVE A REPLY

Please enter your comment!
Please enter your name here