ELCIN a dhana oshituthitumo pOshitayi

0
141

Maria Namupala

OSHITAYI – Ongeleki Onkwaevangeli paLuther moNamibia[ELCIN] nuumvo oya dhana nokutyapula oshituthitumo shomimvo 147, konima sho aatumwa Aasoomi ya thikile mOmandongo momumvo 1870. Iikandjongerki iyali yaELCIN oya dhimbulukwa ethiko lyaatumwa Aasoomi pOkangili omumvo ngoka.

Moshikandjongerki shUuzilo oshituthi osha dhanenwa megongalo Oshitayi moka aakwaELCIN, ya za momagongalo agehe moshikandjo shika ya gongala noku ihwameka natango opo ya tsikile okulonga oshilongatumo mongeleki yawo. Edhimbuluko lyetumo moshikandjo shokUuninginino olya ningilwa megongalo Oluteyi. Omumvo gwa ziko iikandjongeleki iyali oyali ya dhana oshituthi shika pamwe pOngwediva. Etumo ohali dhimbulukiwa omumvo kehe mono ooitaali ayehe ha ye ya noku uvaneka okufala oohapu dhaKalunga hoka inaadhi uvikako natango osho wo oku uvithila mboka ya huhwa meitaalo nonando oohapu dhaKalunga oye dhi uva.

Oshituthitumo shika oshali sha kalwa kOmuwilikimbisofi gwaELCIN Omundohotola Shekutamba V.V Nambala, ngoka a pandula sho aluhe aakriste haya gongala noku idhimbulukitha onakuziwa, yo taya tala wo mpoka oshilonga shoku fala elaka etoye lyomwenyo shuuka.

“ Otweya mpaka nena opo twi idhimbulukithe Etumo, mono Jesus ali a lombwele aalongwa ye ya ye nuuyuni awuhe yo ya ka ninge aantu ayehe aalongwa ye, natse otwa pewa elombwelo ndika opo tu uvithile aantu ayehe ya ninge aalongwa yaJesus. Na otatu dhimbulukwa wo okuthika kwaatumwa mOwambo konima yoomvula 147,” Omumbiisofi ta ti.

Nambala okwa ti aatumwa sho ya thiki oya adhele aantu yeli kokule niinima yoshinanena, no yali ya longo nuudhiginini okuhedhitha aantu popepi neputuko. Oya longo okunyola nokulesha. A ti shika oshape aalongwa ontseyo ompe nokuya zaleka uunongo ya wape oku ileshela yoyene oohapu dhaKalunga. Osho wo okulesha ikundaneki mbyoka tayi popi omahokololo galwe muuyuni. “Opwa piti ngashingeyi omimvo 147, sho aatumwa Aasoomi ya li ya thiki mOwambo meti-9 Juli 1870. Opwa piti wo omimvo 91 sho etumo lyaakwaLuther lya thiki mOkavango momumvo 1926, onkene aakriste yetu otaa tegelelwa ya ende ya koka muukriste, oshoka oya ninga mo ethimbo ele. Ohapu yaKalunga nayi kale uuyelele monkalo yiilyo yaELCIN,” Omundohotola Nambala a kumagidha.

Omundohotola Nambala okwa kumike aakriste muELCIN ya zale onyati yeitaalo,opo ya vule okusinda omashongo ga yooloka ngoka ta ya tsakaneke esiku kehe.

Okwa ti omashongo ogo omashona mondjila yaakriste, omanga omasindano ogo ogendji noku inekela ngaka otaga tsikile esiku kehe molweendo lwonkalamwenyo yawo.

Nambala okwa indile aakriste ya kondjele elandulathano, ombili, ohole, uuyuki, oshili neyakulathano ngele mbaka oya hala okukala aakriste yoshili.

Oshituthi oshali sha mwenyekwa koongundulwiimbo ngaashi Jakko Kangayi, Tungila kEmanya, na dhilwe odhindji. Opwa li pwa ningwa ekondjelo lyepandela ndyoka lya sindanwa po kOshitayi shokuumbangalantu, omanga oshitayi sha Auala sha pewa ekopi.

LEAVE A REPLY

Please enter your comment!
Please enter your name here