Ethigathano lyaanuulema mOshakati ngula

0
52

SHIPI ELAGO

OSHAKATI-Ethigathano lyokomumvo lyuudhano wembwinda waamboka taya lumbu nuulema no nuumvo oko wu li na otawu dhanwa ngula pokapale koIndependence mOshakati.

Gwumwe gwomaalongekidhi yuudhano mbuka Eva Josaphat okwa ti nonando mbuka owa nuninwa iitopolwa ayihe 14 moshilongo iitopolwa ashike 6 tayi ka kutha ombinga muwo niitopolwa yilwe mbyoka inaa yi thika oya ulike uunyengwi woku thika omolwa ompumbwe yoshimaliwa ndjoka ya kundukidha oshilongo shetu. Okwa ti uudhano uunene wesiku owo mboka wokatanga komokambamba kaantu yeli kuutemba na ota wu ka landulwa kethigathano lyokumatuka nuutemba noku umba egonga. Okwa ti uudhano owa tengenekwa wu ka tameke potundi ontihetatu, na oya tegelela aantu ayehe momudhingoloko opo ya ka holoke momiyalu ominene. Uudhano mbuka owa kwashilipalekwa ku Consulting Services Africa nokapandi ko N$ 40 000, moka kehe ngoka ta ka sindana ombandi yoshingoli ta ka pewa N$ 50, oshisiliveli N$ 30, noshikushu N$ 20.

Osipana ndjoka ta yi ka sindana po uudhano woBasketball ota yi ka pewa N$ 600 omanga ndjoka tayi keya pehala etiyali otayi ka fadhukapo nokapandi koodola 400. Ehangano lyoConsulting Services Africa ota li kwashilipaleke uudhano mbuka ngashingeyi oshikando oshi ti 14.

Eva okwa ti omadhina omanene muudhano wanuulema omwa kwatelwa Johan Benson ngoka opo ta ka kala puudhano mbuka onkene, esiku ndika ka li shi okupitilila po omuntu.

LEAVE A REPLY

Please enter your comment!
Please enter your name here