GIZ a dheula aalongisikola moBasket noNetball

0
69

SHIPI ELAGO

EENHANA-Ehangano lya GIZ kohi yoshitayi shalyo shomapendulepo gomaudhano muAfrica olya li lya unganeke omadheulo pukululo go Basketball noNetball kaalongisikola ya za moosikola 22 mOhangwena.

Omadhewo ngoka ga li ko uule womasiku gatatu oga li ga nuninwa aalongisikola opo ya zalekwe uunongo mboka taya ka gandja koosikola hoka ya yambukile moshikondo shomaudhano onkalathano nuundjolowele.

Hillary Dux ngoka e li gumwe gwomwaamboka ya li ya gandja ootundi dhowina kongundu yaalongisikola , okwa ti omadhewo ngaka oga li ga pe aalongi ontseyo ya gwedhwa po nkene yena oku kwatakanitha iinima ya pamba onkalathano nomaudhano mbyoka yena oku keyi gandja kuunona uuna ta ya longo ootundi dhomaudhano.

GIZ okupitila mongongahangano yo Netball noVolleyball oya nduluka po embo ndyoka ta li ka longithwa kaalongi okulonga uudhano mbuka kaanona moosikola.

Okwa ti omadhewo oga li ge ende nawa naalongisikola oya li ya holoka momwaalu omunene na oya li yi itulamo shili momadheulo pukululo ngaka. Onetball ohayi dhanwa kuunona wuukadhona na oyi shiwike onge etanga lyomokambamba, omanga oVolleyball oha yi dhanwa kwaayehe.
omadhewo oga li ga gandjwa ku Donny Jurgens omunawino momaudhano, Sarafina Mushimba Netball 4 Life Instructor, na Hillary Dux Volleyball 4 Life Instructor.

LEAVE A REPLY

Please enter your comment!
Please enter your name here