Iizalomwa iiwanawa yu ulikwa

0
62

PINEHAS NAKAZIKO

WIndhoek-Aahondji yoonguwo yahetatu oyali yu ulike iizalomwa yawo iiwanawa opo ya nduulukwa, ongulohi yEtitano posenda yuunkulungu moKatutura (KCAC).

Ongulohi ndjika oye endele nawa, sho aaholi yiizalomwa yali yaholoka okutala aahondji oonkulungu yaNamibia sho ye ya nine po.
Elalakano lyeuliko ndika okwa li okutseyitha aahondji mboka opo ya holokele menduluko lyoonguwo, naamboka ya kala mo nale.
Omunduluki gwiikutu ngoka e shiwike nawa Mailia Kouture okwali a ulike iizalomwa ye yo Melanin Movement, sho oye a patulula oshiindingili shika niizalomwa hayi ithanwa oEnergy, mbika iizalomwa yomalwaala omawaanawa, notayi monika nawa.
Maila oye ishewe a pata uusiku mboka noonguwo dho I Am Melanin, ndhoka dhina olwaala oluluudhe.

Maila, okwa landulwa kuPuma Shalonga, ngoka ali a longwa okuninga iikutu koCollege of the Arts. Puma okwa li a ulike iizalomwa ayihe iiluudhe , yoludhi lwoshiAfrica. Josefina oye ali omunduuluki gwiikutu omushona ngoka opo ali a ulike oonguwo dhe dhotango hadhi ithanwa I am Josefina.

Anna Mungandjela, ngoka ena ehangano lyoVixen, nokwa kala a tseyika nawa nokuninga iizalomwa hayi opala, okwali a ulike oonguwo dhe Sewed Synergy, ndhoka tadhi monika dhafa dhoshikulu shonale, ashike odho opala noku uulikwa.
Hendrina naye okwali a ulike iizalomwa ye yuumbulukweya uushona, kohi yehangano lye lyoRina, omanga Bobby Kaanjosa ali a ulike iizalomwa dhe pamwe naMokasa Reloaded dhedhina Olutenda.

LEAVE A REPLY

Please enter your comment!
Please enter your name here