Imbuwa omupevipresindente gwoNVF

0
27

SHIPI ELAGO

Oshimpungu shomaudhano nonena ota shi tsikile noku ku etela ookatokote momaudhano mboka ya longo nuudhiginini oku eta omaudhano pondondo yopombanda.

Oshiwike shika otatu ku etele Omupevipresindente gwehangano lyoVolleyball moNamibia Hillary Dux Imbuwa, gumwe gwomaakokoli yehangano lyoVolleyball koNooli yoshilongo.

Omunamimvo 40 okwa valelwa moKatima Mulilo,na okwa li a hiti osikola ye yopevi poKabbe Primary School, Izimwe Primary, Ngoma Primary School,Mafwila Secondary School noKizito College.

Konima sho amana osikola ye yopombanda okwa li a yi koshiputudhilo shoCaprivi College of Education shoka ngashiingeyi ha shi ithanwa UNAM Katima Mulilo Campus hoka a li iilongele onkatu yuulongisikola.

Dux okwa li a tameke okudhana ovolleyball mo 1992 manga a li mondondo onti 8 moka ali a hogololwa opo a ninge Kapitiya gwosipana yosikola nando a li omushona pethimbo ndiyaka.

Dux okwa dhanene osipana yoCaprivi College of Education na okwa li ha kalele po oshiputudhilo shika momathigathano ga yooloka gaanasikola yomiiputudhilo yopombanda ngaashi TISAN,CUCSA nosho tuu. Dux okwa li omudheuli gwosipana yoCaprivi College konima sho a li a zi mo moCollege nopethimbo mpoka okwa li wo hogololwa opo a ninge omutse gwosipana yopashigwana yo U/17 yaamati.
Okwa li kakukutu metote po lyoliha yokoNooli ndjoka ngashingeyi ya mena omidhi lela. Dux okwa li omunashipundi gwehangano lyomaudhano moosikola dhaShana moka a kala okuza 2011-2013.

Dux okwa li iilikolele onkatu yoDiploma mokudheula nokulonga ovolleyball okuzilila koshiputudhilo shaLeipzing koNdowishi.
Okwa li wo a longo ongomunambelewa gwomapendulo po moshilongo omanga inaa ulikwa a ninge Omupehapresindente gwehangano lyoVolley moshilongo ashihe omvula ya zi ko 2016.

Hillary oku li omudhani gwopokati ngoka hi ithanawa Libelo oshinakugwanitha oku keelela omatanga kaa ga gwile pevi. Oku dhana pehala ndika ohe shi ningi neitulemo enene.

Oku uvite kutya ondondo yuudhano wovolleyball oyi li natango pevi muNamibia okuyelekanitha niilongo iikwawo ashike okwa nyanyukilwa nkene aantu, ye na ehalo okuyambula po omaudhano moshilongo.

Okuna ondjodhi opo Namibia a kale oshilongo hashi dhana ovolley muuyuni kaakuna we nongashingeyi ota ende niitopolwa oku taandeleka elaka kombinga yoVolleyball.

Hillary Dux “Kadansa”Imbuwa Omupevipresindente gwoVolleyball moNamibia.

LEAVE A REPLY

Please enter your comment!
Please enter your name here