Kalux a pititha okavidio okape kongalo ‘Isa’

0
142

PINEHAS NAKAZIKO

Omwiimbi nomukali mo gomOtjiwarongo gwedhina Kalux, okwa pititha okavidio okape kongalo Isa, oshiwike shapiti.
Okavidio haka oka landula uuvidio uyali mboka Kalux a li a pititha petameko lyomumvo nguka, hawu ithanwa Netira na I Wanna Know.
Okavidio haka pethimbo ndika otaka dhanwa nawa noku inyenga lela komapandja goIntaneta, ngaashi koYou Tube hoka keli ka monika nale kaaholi yoongalo yaadha po 4 580, konima sho ka piti omasiku gatatu ga zi ko. Kalux okwa ti ongalo Isa oyo yimwe yomoongalo ndhoka dhohole yoshiAfrika, no tayi popi kombinga yomukadhona omwaanawa. Ongalo ndjika oya imbwa Melaka lyo shi Damara-Nama. Kalux okwa ti shika okwe shi nigni opo a gandje omulyo omwaanawa.

Okavidio ha ka okathaanekwa kuBonie, oku za kehangano lyo 2by2 Video’s. Okwa ti ndjika oyo yimwe yomoongalo ndhoka dha dhenga mbanda moalbuma ye New Tuhafeni, tayi ka pita pehulilo lyomwedhi tu uka.

“Ohandi kambadhala oku eta po iinima iipe ngele tashiya muuvidio woongalo dhandje, nokutula mo omithigululwakalo dha yoolokathana,” Kalux ta ti ngaaka.

Mokavidio muka Kalux ota monika a zala omizalo dhoshiTswana. Okangalo haka okali kapitithwa kohi yehangano lye lyo Superstars Records, ndyoka a uvaneke tali ka kwathela aahikingalo oyendji mboka opo ya holoka.

LEAVE A REPLY

Please enter your comment!
Please enter your name here