NAMCOR a yandja omaano eekompiuta

0
37

Tusnelde Nghilinganye

Etayi-Oprimafikola ya Xungileni moshikandjohololo sha Etayi, oya mono omashina avali eekompiuta, ongushu yeeN$40 000 okudiilila kehangnano NAMCOR.

Xungileni oprima fikola ina ovahongwa 160 okudja ondodo yotete fiyo onhiheyali.
Moshipopiwa shaye Hans Shikongo oo eli omutaleli welongo moshikandjolongo Etayi okwa pandula ehangano loNamcor (National Petrolium Corporation of Namibia) ta ti; omashina aa okweya pefimbo la wapala unene eshi Ouministeli welongo uli meshongo linene pashimaliwa, naashi itau dulu okumonena eefikola ngaashi edi dokoushayi omashina aa opaunongononi. Okwa pandula unene ekwatafano noukaume muwa pokati koNAMCOR nofikola ya Xungileni noku shilipaleka kutya eshi ehangano eli la ningila osikola ei otashi xumifa komesho elongo lo vahongwa ovo va teelelwa va ka ninge ovaleli vokomongula.

Okwa kumaida noku denga omufindo kutya, eekompiuta odo oshitopolwa shopauteknologi nodina ondilo, onghee oda pumbwa okukwatwa noukeka.

Eekompiuta oda yandjwa opo di longifwe pofikola, ndele peemhito dihapu oto hange omaano a tya ngaha ponhele yokulongifwa kovanasikola, ohaa kala ashike a efiwa ngaho itaa longifwa, to hange nokuli a tungilwa komaluviluvi.
Okwa pula opo ofikola yaXungileni I udaneke kutya kapena nande omulongwa umwe ta ka dja pofikola ya vo, taka kala inaa mona ounongo okulongifa okompiuta.

Ovadali natu tumeni ounona kofikola, noku va tekulila eduliko, olo li na okutameka meumbo; osho Shikongo a kumika ovadali ovo vali veya okuhafela pamwe nomaludalo avo.

Eino Abraham Hamutenya oo eli omukulunhu-fikola poXungileni mokupopifa oshiifanene shoonakatale-konawa okwa ti; oprima-fikola yaXungileni oyali ya totwa po modula 1982, noina paife eedula 35.

Okwa ti ofikola ei oyali hai ongalele momidile domiti mewiliko laTatekulu Erastus Haikala oo ali omukulunhu fikola wotete nomuhongi-fikola meme Johanna Hangula, nopali ashike ondodo yotete fiyo onhinatu.

Hamutenya ota tange nokupandula epangelo la Namibia pamwe nomahangano oo a kwafela ofikola yavo.
Okwatofa mo ehangano Mediva Fisheries (PTY) nehangano loUNICEF noshoyo The Walvisbay Rotary Club.

Utaara Hoveka kaume kofikola Xungileni, mokuyandja omashina eekompiuta okwa kumike ovahongwa opo veli honge nawa. Okwa udaneka kutya ehangano lavo otali ka futila ovahongwa tavadi poXungileni ovo tava ka tofwamo ovahongwa dingi.

LEAVE A REPLY

Please enter your comment!
Please enter your name here