Omarobota ge etwa mOutapi

0
274

Loide Jason

ONGWEDIVA- Opolisi moshitopolwa shaMusati otayi kumagidha aahingi ayehe ya kale ya tonata ngele ta ye ya mondoolopa yOutapi oshoka ngashingeyi omweya omindilo dhomoondjila ndhoka hadhi ithanwa omaRobota nenge omalamba.

Omupopiliko gwopolisi moshitopolwa shoka Warrant Lineekela Shikongo okwa ti ehumokomeho ngashingeyi olyeya mOutapi moka tamu monika omalamba nenge omililo dhomoondjila ihe aahingi naya kale lela yeli uupathi unene tuu mboka yeli koombasikela nosho wo moohauto.

“Aahingi mbaka naya iyuthe wo koompango nomalandulathano gomoondjila opo ya yande iiponga yomoondjila,” Shikongo a ti ngaaka .
Okwa ti okushishi kutya shoka otashi ka kala oshipe ku yamwe yomaahingi, na otaya indile aahingi mbaka ya hinge nengungumano nosho wo neidhidhimiko, yo ya kale ya simaneka oompango dhomoondjila.

Ondoolopa ndjika anuwa oya tokola opo yi tulepo omalamba ngoka pomahala geli gaali pamwe oompoka pomatsakaneno goondjila okuzilila kOshakati noshowo koRuacana naampoka wo pomatsakaneno goondjila yaTsandi .

Gamwe gomaRobot ngaka oga pwa nale okudhikwa ihe inaga tameka okutema. Na oga tegelelwa ga teme mbala.

LEAVE A REPLY

Please enter your comment!
Please enter your name here