Onakuyiwa yoVolleyball oyi li momake omawanawa

0
17

SHIPI ELAGO

OSHAKATI-Samuel Mapowe na Metumo Nangombe uumatyona mboka wa li wa fuula oyendji ya li puudhano waaniilonga wovolleyball mOshakati petameko lyomwedhi nguka sho wa li wa ulike ontseyo yawo yokuwilika uudhano mbuka.

Uumatyona mbuka wa li wa hogololwa owina kehangano lyetanga lyokomake opo wu kale ta wu gandja iitsa owa li shili we shi ningi nondjungu na owa li wa fuula oyendji mboka ya li ya kutha ombinga muudhano mboka.

“Onda hala okuninga omudhani omunene gwoVolleyball monakuyiwa na onda hala oku dhanena osipana yopashigwana,” Samuel Mapowe okamati komimvo 12 hoka keli mondondo ontihamano posikola Ondangwa Prof ka popi ngaaka.

Mapowe ta tsikileko wo ta ti oku li a nyanyukilwa okukala pomaudhano oshoka ota ge mu keelele kiinima oyindji iiwinayi mbyoka hayi ningwa kuunona mboka ihaa wu kutha ombinga momaudhano.

“Otandi pandula ewiliko lyuudhano woVolley koNooli sho lya li lye tu inekelele oshinakugwanithwa opo tu kuthe ombinga muudhano mbuka tse tu tule ontseyo yetu miilonga ndjoka twa longwa komudheuli gwetu,”Metumo Nangombe, ngoka eli omunasikola posikola Shinime Shiivula, mondondo onti 7 a ti.

Uumatyona mbuka uyali, owo iiyimati yopoloyeka ndjoka ya li ya dhikwa moNooli yoAfrican Dream Project moka uunona uushona ha wu etwa pamwe noku pewa ootundi dhoVolleyball.

LEAVE A REPLY

Please enter your comment!
Please enter your name here