Uunona tawu hupu sho kadhila

0
930

Loide Jason

EPYALIWA-Uunona uutatu momukunda Epyaliwa moshikandjohogololo shaKalongo otawu hupu nguudhila omanga He anuwa tanu ashike omalovu.
Uunona mbuka ihawu yi kosikola nonande awuhe owuli natango mepipi lyokuya kosikola..

Ohawu hupu ashike uuna wa ya puushiinda ndele tawu adha aantu taya li nenge uuna wa ya nahe kuundingosho etawu nu otombo.
Kundana okwa adha aanona mbaka pegumbo lyopuushiinda mpoka wali wa ka konga uuhupilo no wa hokolola kutya ohawu kala mo ashike owo auke megumbo omanga he a meneka mo tayi kuundingosho.

Ashike aashiinda mboka ya popi naKundana oya ti nkalo ndjoka otayi etitha ohenda oshoka megumbo ndyoka iha mu longwa nande omepya opo uunona wu mone uuhupilo.

“ Ngashi wa tala uunona mboka kawuna nande esiku limwe wa longa mepya opo wu mone iipalutha pamwe nahe, ihe ohaya yi ashike nahe kuundingosho hoka ongula onene na ya zi ko omokati kuusiku,” osho omushiinda ngoka inaa hala edhina lye li tumbulwe a lombwele Kundana.

Okwa ti aanona mbaka oya valelwe yatano kaakuluntu yawo mboka ya kala megumbo moka ihe evundakano olye ya po sho omulumentu a pogola etayi mondholongo.

Mondholongo okwa kala mo oomwedhi omugoyi, ye omukulukadhi gwe ta mono po omuholike gumwe omanga ali ena okanona okashona. Anuwa aanona mbaka okwe ya thigi po oyo ayeke eta yi komulumentu gwe omupe shoka she etitha noku li opo okanona hoka ka koomwedhi ntano ka thigile nayakwayo etaka mana oondjenda oshoka etonatelo kalya li lili nawa. “ Uuyali womuunona mboka owali wa kana etatu kutha onkatu opo tuye kopolisi tu ka gandje ehokololo ndyoka opo a ze mo mondholongo shoka shali sha gwanithwa ihe ngashingeyi natango aanona mbaka itaya yi kosikola nonande he okwe ya gongela eli puyo,” osho omushiinda ati ngaaka.

Okwa ti aanona mboka yali ya kana gumwe okwa adhika moAngola omanga gumwe aka adhika kOndonga shoka shali tashi etitha ohenda omanga mboka anuwa aashona oyo ayeke ya kala megumbo noku mona iihuna.

Aniwa ngashingeyi uunona mbuka kawuna uuthemba woshilongo oshoka yina ke shiwike kuya okuli peni nkene a yi le.
Aanona mbaka oya ulikile Kundana mpoka haya telekele, oya ti opwa piti omasiku ogendji inaa ya teleka mo megumbo moka.
Oya holola wo kutya oyena ehalo lyokuya kosikola ngele ya falwa momuhandjo.

LEAVE A REPLY

Please enter your comment!
Please enter your name here