Aahikihiya natse otwa gumwa koliha inaa yi tameka, Nghipandulwa

0
43

Shipi Elago

ONDANGWA-Omuhikihiya muudhano wetanga lyokoompadhi moFirst division okwa ti okwaa kala po kwoliha yuudhano mbuka nuumvo okwe ya guma nayi noonkondo.

Moonkundathana ndhoka Kundana a ningi nomuhikihiya omugundjuka ngoka e shiwike nawa moku hika ohiya muudhano woFirst Division, Samuel Nghipandulwa okwa holola kutya nayo oya gumwa konkalo yomaudhano gokatanga kokoompadhi moshilongo.
Samuel okwa ti onkalo ndjika inayi guma ashike aadhani oyo ayeke ihe oya guma wo naahikihiya, mboka wo ye hole iinakugwanithwa yawo yokuhika ohiya pethimbo lyuudhano wetanga lyokoompadhi.

“Ontseyo yetu otayi yi pevi esiku kehe oshoka ngele owa kala inoo ninga oshinima ethimbo ele nena nuuluyi otawu vulu oku enda tawu dhimbwa iinima yimwe, kakele kontseyo omalutu getu otaga ende taga shuna ko na itatu ka vula we okumatuka mokapale oshoka mongashingeyi nandoo hatu ningi omadhewo ihatu vulu okukala twi itulamo oshoka omuntu kuna shoka to lalakanene,” Samuel ta ti. Okwa ti omuhikihiya okwa pumbwa a kale ooperesenda ethele pamadhewo opo ashike ta vulu okutula po ooveta neladhulathano mokapale oshoka omuhiki hiya oye ha matuka shivule nopaadhani.

Okwa holola kutya omuhikihiya ina uthwa a kale oometa dhi vule pomulongo okuza mpoka puna etanga mokapale naashika ohashi pula oonkondo odhindji.

Okwa ti inaya pitikwa okuhika omaudhano gomomikunda nenge goosikola na ompango ndjika oye ya lumbula okuninga shoka ye hole pethimbo ndika lyuudhano wooliha oonene moka haya hiki dha thikama natango.

Ongundu yaahikihiya moNooli oya li wo ya pewa omadhewo ehuliloshiwike lya piti oku igwedhelako kontseyo noompango oompe dho wilika okatanga kokoompadhi.

LEAVE A REPLY

Please enter your comment!
Please enter your name here