Allex naShyer ya pititha okavidio Wendy

0
93

Pinehas Nakaziko

Windhoek-Ongundu yaa imbi Allex naShyer osho ya pititha okavidio kongalo yawo ompe yedhina Wendy oshiwike sha yi.
Okavidio haka ka tulwa kumwe paunongononi no ka thaanekwa kuDavid Grand moWindhoek, ota ke shi enditha nawa koopolohalama dhoTV moshilongo ngaashi NBC Jukebox Top 10, noYo Music Video Count Down, One Africa.

Allex gumwe gwo maa imbi okwa ti ongalo Wendy otayi popi ohole pokati komukiintu nomulumentu, yo oyo yimwe yomoongalo dhawo ndhoka oombwaanawa, okuza moalbuma yawo ontiyali tayi ka pita omwedhi tu uka.

Allex naShyer aahikingalo mboka haya imbi oongalo dhoAfro-pop, no haya nyanyudha pomainyanyudho ogendji meni nopondje yoshilongo. Mbaka yaali oya valwa mo1980 noya za komukunda Engela, moshitopolwa Ohangwena.

Allex na Shyer aamati ya tseyika nawa mehangano lyoongalo, okuza mo 2010 sho yali ya pititha okangalo kawo kotango kedhina Handishikongo. Mo 2013 oyali ya imbi ongaloYolanda pamwe nomwiimbi dhingi Mushe, ndjoka yali ya patulula omiyelo dhawo mehangano lyoongalo.

Mo 2015 oya li ya pititha oalubuma yawo ndjoka yali ya ningwa nuukeka yedhina Through Thick and Thin, no yali konyala ya pulakenwa koshilongo ashihe, oshoka omwali muna omaimbilo taga nyanyudha.

Oalubuma yawo oya kwatelamo omaimbilo ogendji, no tamu adhika ngaashi eimbilo ndyoka lili ponomola yotango lya lukilwa oalubuma. Eimbilo ndika otali tungu notali longo aantu opo ya kale ookume ka shili, muupyu nomuutalala. Omvula ya za ko oya pititha ongalo yawo ndjoka ya endele nawa.

Ngaashingeyi aayimbi mbaka ohaya imbi kohi yehangano lyoMorgan Entertainment, hoka oko taya ka pititha oalbuma yawo ontiyali.

LEAVE A REPLY

Please enter your comment!
Please enter your name here