Iitopolwa ihamano ya kutha ombinga muudhano waa nuulema

0
22

Shipi Elago

OSHAKATI-Nando okwa li kwa tegelelwa iitopolwa 14 yoshilongo yi kuthe ombinga muudhano wokomumvo waanuulema mOshakati ehuliloshiwike lya yi, iitopolwa ihamano oyo ayike ya li ya holoka puudhano mbuka.

Iitopolwa iikwawo nando ya kala noku kutha ombinga momimvo dha piti, nuumvo mbika oya li ya ndopa okuholoka, oshoka oshimaliwa shokuya molweendo inashi monika. Iitopolwa mbyoka ina yi holoka oshoka onkalo yomahupilo ya nyaika oya guma wo omaudhano.
Oshitopolwa shaShana osha li sha kwatele komeho iitopolwa ihamano mbyoka ya li ya kutha ombinga muudhano mbuka sho sheya ponomola yotango moateletika nosho wo moBasketball ndjoka hayi dhanwa kaanuulema mboka ye li kuutemba.

Oshitopolwa shaKhomas oshe ya puutiyali, omanga oshitopolwa shaHangwena she ya pehala etitatu.
Osipana yaWindhoek yoWheelability oya li ya ti pwaka nosipana yOshana Heroes Club moka omakanda gomOshakati ga li ge shi pondola okusindana po uudhano mboka monakuziwa wa kala hawu sindanwa po kosipana yokoWindhoek yoWheelability ashike oshikando shika nando ya li yeya noosipana mbali, oya li ashike ya likola ehala etiyali netitatu.

Uudhano mbuka ohawu longekidhwa kOshana Heroes Athletics Club okupitila mUuministeli wOmaudhano,na ohawu kwatelemo ehwata lyomaudhano goAteletika nosho wo goBasketball yaamboka ye li kuutemba.

Omusati,Oshana,Oshikoto,Ohangwena,Khomas nErongo oyo iitopolwa ya li ya kutha ombinga muudhano mbuka nonuumvo wa li wa kwashilipalekwa ku Consulting Services Africa nooN$40 000,00.

LEAVE A REPLY

Please enter your comment!
Please enter your name here