Nghee ha va tyapula epata lipe

0
445
dav

Komutoolinghundana

ONHELEIWA-Pamufyuululwakalo wOshiwambo, etalo lepata omukalo wokumangulula ovadali vomufuko va talele po omona nemanguluko va dule okutameka okweenda po nokuuya koivilo yoludi keshe oko kwa hombolwa omona.

Konima yomafiku onhumba okudja mefundula, omufuko oha kala kokalupale ta telekelwa kuinamweno opo nee ta tumwa keumbo a ka tale oimbale noiyuma a ningilwe epata kuiinamweno.

Ohe ya nee nomukweyo wovapambele , omukweyo woo meme wa twa omhola, voo ova umbata oimbale yomilongelo noitoo yomalodu, va yuka kepata lipe lomona.

Ngaho ovapambele ove ya oku tula oimbale poshivelo shelimba lomona. Ongudu yovapambele oha yuuya nee meumbo ta yi kuwilile yoo ta yi ingida: “Epata letu le ya”.

Shama va kundwa, va pewa eendja doludi keshe da longikidwa,voo tava nu eshi shi li po, etyapulo letalo lepata ola tameka ngaho. Manga inaa va shuna ohava ka dana poshivelo shondjuwo nokutumbula oitumbula ngaashi: “Oshike she tu eta? Oludalo, oludalo!”
Okudikilwa omafiya nokutemenwa omundilo kuinamweno, omufuko okwa manguluka okufila oshisho paikulya omushamane waye novaneumbo.
Epata lipe, ohali fuula ovaneumbo, ovakwapata , ovashiinda novapambele. Etalo lepata ohali longikidwa kovakulunhu vomuhomboli.
Etalele po eli emangululo lovadali vomufuko okweendafana kombinga yomuhomboli nomuhombolwa. Ovawambo ova itavela kutya, omuhombolwa ngee okwa fi, oha lililwa pepata laye , ngeenge ke na omafiya otashi dulika aka lililwe keumbo lavo. Ovadali vaye kave shii apa ha teleke.

Ndele ngeenge okwa otekwa mombashu, ino lekelwa kovadali oto yelekwa nomufima wa xupwa wa uluka momukunda, ndele ngeenge omuxupi ina ingida kutya wa uluka, nena ovashiinda ihava teke mo.

Etalo lepata, oshivilo shopamufyuululwakalo sha fimana komapata. Ovadali nava longe ovana nghene omikalo dopamufyuululwakalo da tulwa po nomalalakano mawa.

Ovaenda shama va kuta lwotete pepata lipe, ohava i netimaumbwile kutya, epata otali kala alushe noshikutifa.
Hali tungwa eenduda ngaashi a hala, ola fimana shaashi emanguluko, etumba linene nekwatafano la kola pokati koshitenya na inamweno shi li yo etumba linene komadimo.

LEAVE A REPLY

Please enter your comment!
Please enter your name here