Omauliko omanene gaKatutura omwedhi tu uka

0
27

Pinehas Nakaziko

WINDHOEK-Omauliko omanene omatiheyali gaKatutura ngoka taga ka ulika iinyangadhalwa ya yoolokathana oga thaanekwa taga ka kalako petameko lyomwedhi tu uka poKatutura Multi-Purpose Centre. Aalongekidhi yoshiindingili shika oya ti omauliko ngaka otaga ningwa nelalakano okuyambula po eliko lyoshilongo. Omauliko ngaka oga totwa po kombelewa yoshikandjohogololo shaKatutura yOpokati, pamwe naakalimo yamo. Kakele ashike kiinyangadhalwa yomainyanyudho mbyoka tayi ka kala oyo oshinenenima, otapu ka kala ishewe omauliko ngaashi guunamapya niimuna, euliko lyomahangano ngoka omanene, naangoka omashona moshilongo, osho wo oongundu dhoondjimbo dhopambepo.

Aalongekidhi oya ti ota pu ka kala oshituthi shoongalo mehuliloshiwike lyahugunina, moka taya ka hogolola pokati kaahikingalo aanene ngaashi Gazza na The Dogg, mpoka ta pu ka kuthwa gumwe, oye ta ka kala omwiimbi omunene. Otapu ka kala ishewe oshinyangadhalwa shoondjimbo dhoSoondaha mesiku lyahugunina lyomauliko ngaka, moka tamu ka dhimbulukiwa omwiimbi gwoongalo ngoka a manene oondjenda dhe nuumvo, gwedhina Charles Nguvenjengua Zamuee, a li ishewe gumwe gwomaalongekidhi yoshiithanene shika.

Oshiindingili shika otashi ka mwenyekwa kaa imbi ngaashi Yvonne, Esme, Pride, Elvit naWorship Elevator, kakele kaamboka aanene yaali ya tumbulwa pombanda.

“Pethimbo ndika otatu ka gandjwa uubaki wiikulya, iizalomwa yuutalala unene kaakulupe mboka taya ka holoka,” omulongekidhi gwoshituthi shika nokuli omwiimbi gwoongalo dhopambepo, Yvonne ta ti ngaaka. Okwa ti mpaka otapu ka kala ishewe oongundu dhoondjimbo odhindji tadhi ki imba noku mwenyeka konyala esiku alihe.

LEAVE A REPLY

Please enter your comment!
Please enter your name here