Oparliamende yaRSA tayi tokola ngele Zuma na tsikile niilonga

0
148

CAPE TOWN-Oongundu dhopolitika omugoyi dhomo 13 moparliamende yaSouth Africa odha gandja iiyetwapo yadho kombinga yoonkundathana dho kwaahena einekelo muPresidente Jacob Zuma, pahapu dhomupopiliko gwoparliamende, Moloto Mothapo. ÔÇťOngundu yo African National Congress naandjoka yoDemocratic Alliance odha ti ota dhi ki iyutha ketokolo lyOmupopi gwoParlimende omanga dhilwe odha hala omatokolo moshinima shika ga ningwe okupitila mehogolo lyomeholamo. Mothapo a ulike. ANC, DA, Economic Freedom Fighters, Inkatha Freedom Party, National Freedom Party, United Democratic Movement, Freedom Front Plus, African Christian Democratic Party and Congress of the People odho dha li dha gandja omathaneko gadho omanga esiku lya hugunina okushi ninga inaali adha Etitano.

Oongundu dhopolitika odha li dhina ethimbo sigo Etitano lya yi okugandja omatompelo gadho kOmupopi goParliamende Baleka Mbete ngele odha gama koshi etwapo shika nenge otadhi shi kondjitha. Iiwike iyali ya zi ko Mbete okwa li a tokola opo osheetwapo shoDemocratic Alliance sho kwaahena einekelo muPresident Jaco Zuma shi kundathanwe moshiwike shotango sho mwedhi tu uka.

Shika okwe shi tokola konima sho Ompangu yekotampango ya tokola kutya Mbete oye ena oonkondo oku utha ngele etokolo kombinga yoku kutha Zuma miilonga otali ningwa meholamo nenge otali ningwa puuyelele.
Osheetwapo shika otashi ka kundathanwa momasiku 8 Auguste nuumvo.

Oongundu dhompilameno inadhi hala Mbete oye a kale omuwiliki gwoonkundathana ndhika. Dha ti okwa gama unene ombinga yimwe.

LEAVE A REPLY

Please enter your comment!
Please enter your name here