Taya kondjele ondjambi yopetameko yaagameni yomaliko

0
357

Komutoolinkundana

WINDHOEK-Ehangano lyaagameni mo Namibia olyi ipumu mumwe nOshikondo shAaniilonga kombinga yondjambi yopetameko yoosekuliti ndjoka ya tulilwe miilonga petameko lyomumvo nguka. Shoka tashi nyenyetwa komahangano goosekuliti ondjambi yopevi yooN$8,75 mowili ndjoka gamwe gomomahangano ga tinda okufuta aanilonga yago. Euvathano ndika epe olya utha kutya aaniilonga yokugamena ayehe mboka ya longa uule womvula okuya sigo opehulilo lyomwedhi nguka oye na okufutwa ooN$10 mowili. Ndele sigo oompaka omahangano ogendji goosekuliti ihaga futu aaniilonga yago ondjambi ndjoka yopetameko ngaashi sha uthwa kompango kombinga yoondjambi.

Ehangano lyoSecurity Association of Namibia (SAN), ndyoka tali ti oli lile po omahangano agehe goosekuliti moshilongo , olya ti etompelo sho omahangano ogendji itaaga futu oondjambi ndhoka omolwa omukalo ngoka oshikondo Shaaniilonga sha longitha okutula ompango ndjika miilonga. Ndika olya ti omahangano ngoka iilyo ya SAN no ina ga shaina euvathano lyoondjambi ndika epe inaga thiminikwa okufuta ondjambi ndjoka, ndele omahangano ashike ngoka ogo ga shaina euvathano ndyoka ogo ge na okufuta ondjambi ompe yopevi yu uthwa.

Oshikondo shAaniilonga otashi pataneke omupopyo ngoka nosha ti omahangano agehe goosekuliti otaga ka thiminikwa opo ga fute aaniilonga yago ondjambi yopetameko ndjoka yu uthwa uuna oveta ndjika tayi kala ya guma oshikondo shuusekuliti ashihe.

‘Pethimbo ndika euvathano lyoondjambi olya guma ashike iilyo mbyoka ya shaina euvathano ndyoka na otali ka dhengela ashike ku kehe gumwe uuna ndoka ndika lya nenepekwa opo li longithwe moshitopolwa ashihe shuusekuliti”Uuministeli waaniilonga osho wa popi.
SAN okwa tindi okutaamba ko oshinima shika a ti oku uvite kutya uuna omuperesidente gwaSAN nenge omukaleli po gwe a shaina euvathano ndyoka nena shoka otashi ti oveta yaaniilonga ndjoka otayi kwata aagandji yiilonaga ayehe osho wo aaniilonga ayehe, unene tuu sho omahangano agehe goosekuliti geli iilyo yehangao lyo SAN.

SAN okwa ti wo kutya moNamibia ka muna we ehangano limwe lyakalela po omahangano goosekuliti lyaashi ndika.Onkene oshikondo shaaniilonga oshali shina okunyola moveta kutya omahangano ngoka gaashi iilyo meuvathano ndika itaga thiminikwa ga fute ondjambi ndjoka sigo uuna ndoka ngaka ga ningi iilyo nenge ga shaina euvathano ndyoka.

Ihe Maria Hedimbi, omupopiliko omukuluntu muuministeli waNiilonga okwa ti “Aagandji yiilonga oya manguluka okukala iilyo yehangano ndyoka ya hogolola.”

Ondjambi ompe yopetameko oya nyolelwe moshifo sheapngelo petameko lyonuumvo opo yi ye miilonga.Ondjambi ndjika yopetameko oya li ya ziminwa kehangano ndika ,ehangano ndyoka lya kalela po oosekuliti Namibia Transport and Allied Workers Union,Namibia Security Guards and Watchmen’s Union, nosho wo Namibia Independent Security Union. Omahangano goosekuliti oga li ga pewa sigo omwedhi gwayi opo ga gandje omaiyuvo gago koshinima shika shondjambi ompe yooN$8.75 ngaashi ya nyolwa moshifo shepangelo.

Dries Kannemeyer, omuperesidente gwa SAN, okwa ti iizemo yiitya ngaashi – “yaashi yomongundu” nenge “inaa ya koleka euvathano” – oya fala mpoka kutya omahangano ngoka ga li iilyo yo SAN oga tameke okwii kutha mo moSAN. Ogi ikuthamo opo kaaga thiminikwe okufuta ondjambi ndjoka yopetameko , sigo uuna ndoka ngaka ga thiminikwa oku shi ninga.

“Omahangano ngoka itaa ga iyutha kondjambi yopetameko otaga ningitha onkalo ondhigu komahangano ngoka taga iyutha kompango ndjika ompe.Iilyo yehangano lyetu oyali yin a okutameka okufuta ondjambi ompe ndjika muJanuali nuumvo omanga mboka yaashi iilyo yetu otaya futu ondjambi onkulu” Kannemeyer a ti.

Hedimbi okwa ti oshikondo she itashi vulu okulonga noshinima shomahangano inaaga hala okufuta ondjambi yopetameko molwashoka kage shi iiloyo.

“Oshinima shuukwashilyo itashi ka kala shina oonkondo dha sha uuna euvathano lyoondjambi lya kwata oshilongo ashihe molwashoka shika otashi kathiminika kehe ehangano li vulike koveta ndjika” Hedimbi a fatulula.

Pautho lyoveta ndjika ondjambi yopevi yomuniilonga opo tatameke oyo N$8.75 mowili okuza mu l Januali 2017. Aaniilonga mboka yeli kohi yoo N$7 mowili nayo oye na okufutwa ooN$8,75 mowili.

Omanga ndjika otayi utha kutya aaniilonga mboka ya longa uule woomwedhi dhi vule 12 oye na okufutwa N$ 10.00 mowili.
SANS okwa ti uuna oveta ndjika ya kwata oshilongo ashihe nena naayehe mboka ya li ihaa ya futu aaniilonga yawo ondjambi yopetameko ngaashi yu uthwa otaya ka thiminikwa okuya futa obackpay okuza muJanuali 2017 sigo oompoka ya tamekele.

Oveta ompe oyu utha kutya omahangano otaga vulu oku kutha ko N$300 kondjambi yomuniilonga kehe okufutila omizalo dhiilonga.
Kannemeyer okwa ti SAN ota kala ta tala nawa iilonga mbika opo a mone kutya omahangano agehe otaga iyutha tuu koveta ndjika, naamboka itaaya vulika kuyo otaya lopotwa koministry yaaNiilonga..

Hedimbi okwa oministry yawo ohayi landula omahala giilonga ga yooloka momahupilo goshilongo omumvo kehe.
“Omakonakono ngaka ohaga pitike opo oshikondo shika shi tale ngele aagandji yiilonga naaniilonga otaya iyutha kompango.” Osho a ti.
Hedimbi okwa ti oshigwana otashi ka tseyithilwa okupitila moompito adhihe uuna euvathano ndika lya kwata oshikondo ashihe shuusekuliti ashihe. Edgar Brandt okwa shanga shimwe shomoshinyolwa shika. story.

LEAVE A REPLY

Please enter your comment!
Please enter your name here