Tseya omudhani gwoye

0
35

Kundana ota tsikile noku ku etela omanyakwa gomaudhano koonono moshitunda Namibia, nomoshiwike muka Shipi okwa li moonkundathana na Termus Kamati omudhanidhingi ngoka ha dhana omaudhano ge vule pu gatatu ngoka nando ota lumbu nuulema.
Kamati ngoka e li kokatemba oshilyo shospana Oshakati Heroes Club okuza momumvo 1998 sigo onena ndjika.

Okwa li a holola nkene ya li ya tameke oateletika yawo moshipangelo sha zilila poompata moka aanuulema ye li kuutemba ya kala kehe gumwe ota tanga okatemba ke na kehe gumwe okwa li ewete kutya oku na ondapo e vule mukwawo, onkene esiku limwe oya li ya tokola opo ya longekidhe ethigathano momapadaanda opo ya tale ngoka ta thigi po yakwawo. “Ethigathano ndika lyotango olya li lya nyanyudha oyendji onkene otwa li tu uvite kutya uudhano mbuka na wu tsikile nondjodhi yetu yomaudhano oya li ya tsu noKalaba yetu yaanuulema yOshakati Heroes Club oya li ya totwa moka ngaye nda li nde yi wayimine lwopomimvo 18 lwaampoka,” Kamati ta ti. “Ngashingeyi ohandi kutha ombinga momaudhano ngaashi oku umba egonga, okumatuka nokatemba 100m 200m nosho wo uudhano woWheelchair Basketball.

Omaudhano oga kwathela ndje opo ndi kale nda ndjanga natango molwashoka olutu halu mono omadhewo ga gwana nawa ohalu kala luna uudjolowele.” Kamati a koleke.

“Omaudhano oha ge ku fala wo pomahala gayooloka mpoka ino enda nale, otandi dhimulukwa mo 2004 omaudhano oga li ga enditha ndje mo Bloemfontein shaSouth Afrika moka twa li twa kutha ombinga momaudhano na osha li lela etumba kungame oshoka andola hago nena otashi vulika inaandi enda mo moshilando shoka,” Kamati a hokolola.

Kamati ngoka eli omudhani gwOshakati Heroes Club ota ti monkalamwenyo okwa mona oshiholelwa kuKapteina omukulu gwaBrazil Carlos Caetano Bledorn a tseyika nawa Dunga ngoka a li ena omutima gwomaudhano na okwa li ena shili oshilongo she komutima aluhe ngele tayi momaudhano.

Termus Kamati natango ota pula komeho okudhanena osipana yOshakati Heroes Club na okwa li a kutha ombinga muudhano ehuliloshiwike lya piti mOshakati.

Kamati oku uvite kutya ethimbo olya thika opo aantu ya kale haya yi kuupale momiyalu ominene opo ya ka yambidhidhe omaudhano opo ashike ngaka taga koko moshilongo.
Sports profile 2;Termus Kamati omudhani gwoKalaba yaanuulema mOshakati

LEAVE A REPLY

Please enter your comment!
Please enter your name here