The Young Host ote shi enditha nawa moongalo

0
71

Maria Namupala

OMUTHIYA -Tobias Fillipus oye gumwe gwomaamati aagundjuka moshilongo mboka taya longo noku yambula po iipewa yawo, osho wo okukwashilipaleka kutya oondjodhi dhawo mokuhika nokwiimba oongalo odha ninga dhoshili.

Fillipus okwa tseyika nawa mokuhika oongalo nedhina The Young Host, noye omukalimo gomOnalunike mOndonga, nokwa tamekele okuhika oongalo manga a li penongelo lyopevi pOnalunike. Omumvo gwa ziko okwali a pititha oalbuma tayi ithanwa ‘Oshike shetu eta, Oluvalo.’
“Sho twa tameke okwiimba oongalo otwali yaali ashike molwa uunyengwi naasho twa topoka twa kala moondoolopa dha yooloka osha kala oshidhigu okukwatathana, naashika oshetu topola ye kehe gumwe ta kala ti imbi oongalo kuye mwene,” a ti ngaaka.

Okwa ti okwa thaneka a kale a pititha oalbuma ye ontiyali muNovomba nuumvo, ndjoka tayi ithanwa Voxlam the rockstar. Mongalo ndjika otamu kala muna uungalo 15, nokwa kwathelwa kaahikingalo aaNamibia ya yooloka. Petameko otwali twa pititha ashike okangalo kamwe, ashike konima otwe ke shi pondola notwa pititha oalbuma ndjoka yili momalandithilo ngaashingeyi. Okwa ti nonande a tsakaneke omashongo ogendji mpaka naampeyaka, ngaka ina ge mu shunitha pevi ndele ngaka oge mu kumike sigo a adha shoka ta lalakanene moku kalamwenyo kwe.

Moalbuma ndjoka a pititha omumvo gwa yi otamu adhika uungalo ngaashi Oluvalo, Mwasheka na Takatsu, Let it go, Maria, Ondjila, Jesus oye awike, Otwe mu etela nosho tuu. Young Host ta ti oyena edhiladhilo opo ya longe nuupenda ya pitithe natango oalbuma yawo omumvo twa taalela.

Okwa pula aahikingalo aaNamibia ya kale haya longele kumwe, yo ya paathane omayele ya vule okuyambulapo ehangano lyaahikingalo moshilongo, yo ya gandje etumwalaka tali pulakenwa komapipi agehe moshigwana. Okwa pandula ayehe mboka ye mu yambidhidha opo a vule a pitithe oalbuma ndjika ompe. Ta ti elongelokumwe nombili olya pumbiwa aluhe ngele tashi ya kokuhika oongalo, noku humitha komeho ehangano lyoongalo moshilongo.

Olundji oha kala ta nyanyudha pomahala ga yooloka, nokwa ti ota tsikile nokunyanyudha aaholi yoongalo dhe, noku kaleka po elongelokumwe nekwatathano ewanawa naaholi yoongalo dhe moshilongo. Oku uvaneke taka gandja oshindji nuumvo.

LEAVE A REPLY

Please enter your comment!
Please enter your name here