Aailongi moNUST taya ka ulika uunongo wawo

0
28

Pinehas Nakaziko

WINDHOEK-Aailongi moUnivesiti yUungomba yaNamibia (NUST), otaya ka ulika uunongo wa wo mokunduluka iizalomwa iipe, naambyoka ya longwa nale poshiputudhilo osho tuu shika ongulohi yEtitano ndika.

Omauliko ngaka otaga ka kala omatiyali ga landula ngoka gotango moka aailongi yatano poshiputudhilo shika yali ya ulike iihondjomwa yawo ya longwa miinima mbyoka ya longa nale. Aalongwa mbaka oya ulikile iizalomwa mbika ya longwa mooplastika nosho tuu omumvo gwayi.

Oshiindingili shika osha tengenekwa tashi ka kala sha dhenga mbanda, notashi ka ulika uunongo niitalendi mbyoka aalongwa mbaka ye na. Ehuku notema yoshiithanene shika oyo “Technology in Fashion.”

Pethimbo lyetseyitho lyo shiindingili shika lyali lya ningwa oshiwike shayi poshiputudhilo osho tuu shika, aalongekidhi oya ti aanduluki yomizalo naayendi mboka taya ka ulika oonguwo ayehe ohaya sikola poNUST.

Ndjika otayi kala ompito ombwaanawa opo aalongwa mbaka ya vule oku ulika iitalenti yawo, oshoka NUST kena natango ootundi dhuunkulungu wokuninga iizalomwa.

Euliko ndika olya etwa po kaa kalelipolongwa ya NUST, pamwe noRadio yomoshiputudhilo osho tuu shika oNUST FM.
Roger Kangootui ngoka oye omuunganeki gwoshituthi shika okwa hokolola ta ti omauliko ngaka natango oga nuninwa okutaandelitha nokutseyitha iizalomwa iipe, osho wo okuhumitha komeho uunongo waahondji aashona.

Nuumvo aalongwa mbaka otaya ka kala yeli yane, notaya ka longa nuudhiginini opo ya ulike iizalomwa yawo niiyata mbyoka taya ka kala yalanda yoyene.

Aayendi dhingi yaadha po16 oyo taya ka kala taya ulike iizalomwa kaatali mboka taya ka holoka. Megameno Fillips, ngoka iilonga kuyina okuninga iizalomwa manga a li omushona okwa ti ota ka ulika iizalomwa ye yi na omwaala ga yoolokathana.

Matende Samwel okwa uvaneke taka ulika iiyata ye ya adha pu iheyali mbyoka ati otayi ka hokiwa kaatali oyendji.
Eslien Tsuses okwa ti meuliko muka ota ka ulika uupendi we mboka uushona. Pea Pewa okwa uvaneke taka ulika iizalomwa ye mbyoka ya ningwa nuukeka noyi na omalwaala taga hokitha.

LEAVE A REPLY

Please enter your comment!
Please enter your name here