Euliko lyiizalomwa monooli kuTjaronda

0
27

Pinheas Nakaziko

WINDHOEK-Omwetipo gomizalo dha yoolokathana ngoka ha longele monooli yoshilongo gwedhina Luise Tshilongo Tjaronda, otaka ulika omizalo dhe dhoshi Africa Etitano ndika.

Tjaronda otaka ulika oonguwo dhe odhindji ndhoka dhina omalwaala ga yoolokathana, pohotela Rocha mOshakati.
Elalakano lyeuliko ndika okutaandelitha nokutseyitha omizalo dhe ndhoka omipe dhedhina LNW, ndhoka ta ti otadhi ka kala dha dhenga mbanda unene tuu monooli yoshilongo. Oshituthi shika osha longekidhwa kehangano lyiizalomwa lyo Kashipu Investments cc.
Tjaronda, ngoka eli omuhondji onkulungu nokwa tamekele okunduluka nokuhondja oonguwo okwa ti poshiindingili mpaka otapu katya pwaka, no ta ka ulika omizalo ndhoka dhoshinanena, dha ningwa nuukeka.

Otaka ulika omaludhi gatatu gomizalo dhe ngaashi ndhoka dho shi Afrika, dhopashinanena, noonguwo ndhoka hadhi zalwa piituthi. Poshituthi shika otapu ka kala ishewe pu na aayendi dhingi yomonooli ya adha po11, mwa kwatelwa aamati naakadhona.
Otapu kala wo, aahikingalo dhingi yomonooli ngaashi Killer Stars, Boet naOmfaly taya ka ulika uunongo wawo nokunyanyudha engathithi lyaatali mboka taya ka holoka.

Meuliko ndika lyoonguwo Tjaronda okwa ti ye okwa hala okukoka a kale dhingi ngele tashiya mehangano lyomizalo moshilongo, ye okwa hala ishewe opo omizalo dhe dhi kale dha tseyika meni nopondje yoshilongo.

“Nonando omizalo dhandje otadhi ulikwa moshilongo ngeyi onda hala ishewe opo ndimone ompito ombwaanawa okutseyitha noku ulika oonguwo dha ndje pondje yoshilongo. Kehe gumwe okwa pumbwa okuzala omizalo dhandje oshoka odho omiwanawa,” Tjaronda ta ti ngaaka.
Tjaronda’s okwa hala ishewe a kale ena oositola odhindji dhokulanditha oonguwo moshilongo ashihe.

Uutekete woshiindingili shika otawu ka adhika koodola dhaNamibia 50 notashi ka tameka po heyali yokongulohi. Oshituthi osha kwathelwa komahangano ngaashi Racio Media Group, Rough Beatz Trading CC, Dtsn Graphics, G2g Graphics, LNW Clothing Line, Kashipu Investment CC, Efundja Entertainment, F Marketing noRocha’s Hotel and Restaurant.

LEAVE A REPLY

Please enter your comment!
Please enter your name here