Kilimanjaro Boxing Club otayi ende noku koka

0
77

Shipi Elago

OSHAKATI-Oshiwike shika Kundana okwa li a talelepo oshiputudhilo sha Kilimanjaro Boxing Club mOshakati shoka ngashiingeyi sha ninga egumbo lyaagundjuka mboka inaa ya hala okukala momapandaanda.

Oshiputudhilo shika osha li sha totwa po momumvo 2004 komudhengingonyo omukulu moNamibia Joseph Benhard ngoka pethimbo a adhika u uka pehulilo lyeyithano lye lyokudhenga oongonyo.

Joseph Benhard oye gumwe gwomaaBokisi aakulu no okwa li a kalele po Namibia kuudhano wOlympika koAtlanta, USA, mo 1996.
Sho twa li moonkundathana na Joseph okwa li a holola nkene ya li ya tameke nomwaalu omushona “oyendji yo maagundjuka mboka twa li twa tameke nayo oomboka ya li ya fuuka kokudhenga oongonyo kwandje na oya li wo ya hala okulandula moompadhi dhandje.”
Nando oya li ya tameke nomwaalu omushona lela oshiputudhilo osha li sha koko no ngashingeyi oshina aabokisi tayi ihilile po 50.
Oshiputudhilo shaKilimanjaro osho ashike oshiputudhilo shoongonyo shi li koNooli hashi vulu okulongekidha omaudhano gopamuthika gwopashigwana na ota shi shi enditha nawa.

Otashi wilikwa kuJoseph Benhard ngoka e li omunashipundi nomutotipo, omanga Erastus Mvula eli omugandjimayele Omupevi Minista gwiikwameni Erastus Uutoni oye oPatrona yoshiputudhilo shika na oha dhana onkandangala mependulepo lya sho. Okwa ti shika ota shi humu komeho noku adha iilalakanenwa yasho molwaashoka oyena eyambidhidho lyaanangesefa mboka haya kwatha naashoka ye na okukwathela momaudhano ngoka haya longekidha.

Kilimanjaro ngashiingeyi okwa longekidha uudhano waBokisi inaya pyokoka wa konda po 25 okuza sho oshiputudhilo sha li sha totwa konima yomimvo 13, na oya unganeka uudhano wuli utano wopaithano.

Nando oshiputudhilo shika osha ninga ethimbo, Kundana sho a li a taalele po oombelewa dha Kilimanjaro okwa li iimoneneko nkene sha pumbwa ekwatho oshoka kayena ongulu yokwiidheula yi li pamuthika omwaanawa na kayina iilongitho ya gwana.

“Ondjokonona otayi shi ulike kutya Namibia okuna iitalenti ngele ota shiya mokudhana obokisa onkene ngele aagundjuka oya pewa omadhewo ga gwana noge li mondjila nena otatu ka likola iiyimati iiwanawa,”Joseph ta ti.

“Ondiwete kutya Namibia oku uka pondondo ombwaanawa ngele otashiya puudhano wobokisa, nuuyuni owa tegelela olugodhi olunene ndoka talu ka kala pokati kaJulius ‘Blue Machine’ Iindongo ngoka ta ka kondjitha Terence Allen Crawford omuAmerica muudhano hawu ithanwa Unification Fight moka ngele Indongo a sindana nena oye ta ka pangela uuyuni,” Joseph ta ti.

Ta tsikileko ta ti aanangeshefa naya tsikile noku yambidhidha omaudhano opo oshilongo shetu shi hume komeho yo aanyasha ya vule wo ngaa okwi ilandela uuthewa nokashona hoka taya mono momaudhano.

Okwa ti oshigwana hashi kutha ombinga momaudhano ota shi kala oshigwana shina uundjolowele na ota shi vulu okuhuma komeho paliko oshoka ngele omuntu okwa yi kondje yoshilongo eta mono ko omapapa nena oshimaliwa shoka hapewa oha vulu oku shi pungula moshilongo naashika otashi ka tidha po oluhepo opo ashike aagundjuka yetu yaakale ashike yatala mepangelo okuya pa iilonga.

LEAVE A REPLY

Please enter your comment!
Please enter your name here