Edu nali tukulwe pauyuuki

0
46
OTJIWARONGO, 14 June 2017 - The Deputy Minister of Land Reform, Priscilla Beukes speaks during the official opening of a one-day consultative meeting on the review of 2001 national resettlement policy at Otjiwarongo on Wednesday. (Photo by: Mulisa Simiyasa) NAMPA

Komutoolinghundana

EENHANA/OUTAPI-Ovakali moshoongalele shedu sha ningililwe mEenhana ohani ya djako ova indila opo edu li tukulwe pauyuki nokupewa ovo veli pumbwa.

Oshoongalele eshi oshimwe sho mwaa yoo tai ningwa oshilongo ashishe ya tetekela oshoongalele oshitvali kombinga yedu osho tashi ka kala ko muSeptemba neudo.

Ovakufimbinga veenghatu da yooloka moshoongalele shomEenhana, ove udite kutya; itava yambidida etokolo lomulandifi komulandi a hala edu. Itava tu kumwe nosheetwa po shavamwe va hala kukala medu looxekulu, shaashi edu olovaNamibia aveshe nomuNamibia keshe, ota dulu kutulwa opo a hala. Oshoongalele osha weda po kutya, ovo ve na eefaalama moNamibia ve li pondje yoshilongo, epangelo nali kufe ko eefaalama odo noovene nava futwe sha yeleka pongushu yedu olo. Ovakali moshitukulwa shaHangwena natango ova pula epangelo li tule po omwaalu wovanhu vokoilongo tava pewa edu moNamibia. Tava weda po kutya, omutamo wofaalama keshe moshilongo, nau kale u fike peehector 12000 medu leefaalama domalandifilo opo ovo va pumbwa edu navo va mone edu. Omunafaalama e na edu meefaalama domalandifilo ina pewa vali edu koulifilo waaveshe.

Nande oyoongalele yoludi eli ya ningwa moitukulwa ya yooloka yoshilongo ya tetekelela oshoongalele shakula shedu muSepteba, ovakali moitukulwa ihapu ova kema kwaavo ve na eefaalama moushimba nokomikunda kutya, otava fininike ava itava dulu kulanda eefaalama. Osheetwa po shikwao, ovaleli vopamufyuululwakalo vahapu ova monika kutya navo itava tukula edu pauyuuki nova pumbwa kukala hava pewa oshimaliwa shomwaalu wonhumba kepangelo va dule ku tukula edu payuuki. Ovaleli pamufyuululwakalo mokutukula edu, otava longo medina lepangelo.

Nande keembinga dimwe ovakali moyoongalele va eta omafaneko ovo ve na eefaalama ve li pondje yoshilongo ve di nyekwe, ovakufimbinga vamwe ove udite kutya omukalo wenyekeko ledu hao enyamukulo kwaashi, otau dulu kuya moshipala omilandu depungulo nelongifo loshimaliwa moshilongo. Oshoongalele eshi oshali woo mOutapi moshitukulwa shaMusati. Mokupopifa oshoongalele Minisita wopedu wElunduluko lEdu Priscilla Beukes okwa ti, elalakano loshoongalele okulongekida ovanhu opo va longekide oitopolwa aishe moshilongo yiilongekide nokweeta oyeetwapo oyo tai ka kundafanwa moshoongalele shedu neudo.Oshoongalele shomOutapi osha kundafana yo omafindano aa sho sha hangwapo nokutala opo, ouyuki inaa u hangwa.

Beukes ta ti mopaife omwaalu waa vo va tululuwa oufike po 5 306, omo omwaalu wo 2 089 ovalumenhu novakainhu vefike pe 1 454 ovo va tulululwa mefaalama dikulu, koshi yo shitopolwa shaavo vali va lyatelwa pedu.

Erginus Endjala oo eli Gavena waMusati, nokuli omunashipundi womatulululo moshitoplwa okwa ti: “osha pumbiwa opo ovakwashoongi va longele kumwe mokuyandja noku to polelafana omaadiladilo mawa oo taa eta po elunduluko mokutopola edu moshitopolwa.”

“Otushi shii kutya edu olili omukundu neshongo linene moshilongo ndele nee ashishe osho ita shidulu okulongwa moule woufiku umw,” Endjala ta ti. Okwa pandula yo ouministeli wedu eshi wa eta po nokulongekida oshoongalele eshi, opo shi popye omashongo oo eli po kombinga yedu. “Eshi hatu ka popyeni oshi li mouwa wedu lovakwashiwana aveshe, omo keshe umwe a hala edu lolukalwa, loku ninga mo okakunino, hano otwa pumbwa edu omo yo hatu dulu okutunga mo omatungo etu omolwouxupilo,” osho Endjala a popya nomufindo. Nonande oshongalele oshali sheli pyakidila noku talulula omatokolo oo a li a tofwa mo koshoongi sho 1991, momatokolo omilongo mbali nanhe, etokolo lotete olo tali popi okuhena ouyuki mokutopola edu, olo unene la li la tula po emhata dinene kovanashoongi. Omatokolo aeshe okwa talululwa momayele nomawedelepo okwa li a hangika moshoongi omo.

LEAVE A REPLY

Please enter your comment!
Please enter your name here