Ngame inandi mwena kombinga yuulingilingi moshilongo

0
132
OKAHANDJA, 19 June 2014 - Prime Minister Hage Geingob addressing guests at the official inauguration of the Okahandja Shopping Centre on Thursday. (Photo by: Esme Konstantinus) NAMPA

Nandi popye kombinga yeitaalo kutya Omuperesidente okwa kala a mwena miiningwanima yimwe mbyoka ya talika ko ya nika uulingilingi na anuwa okwa fa inaa ninga sha oku etapo elunduluko. Onda hala okushi tumbula kutya shoka kashishi oshili. Ngaashi nde shi popi moshipopiwa shandje kombinga yonkalo yoshigwana, oonkatu dhongushu odha katukwa ,ndhoka dha ulike kutya epangelo olya tokola okukondjitha uulingilingi.

Oonkatu ndhoka dha katukwa omwa kwatelwa ndjoka yokukaleka iilonga yooN$7 oobilliona ndhoka dhali dhina okulongithwa okuopaleka okapale koondhila kopaigwana kaHosea Kutako, nonando omaopaleko ngaka oga pumbiwa shili. Oshikwawo epangelo olya ningi ekonakono metungo lyompungulilo yomahooli yopashigwana pOmbaye, aakonakoni oya gandja omathaneko gawo kombinga yaashoka shina okuningwa naanambelewa mboka ya tumbulwa musho.Oshikwawo opena omathaneko gokufala aanambelewa mboka ya pukitha epangelo kohofa. Omakonakono moshinima shoku yanda okufendela, osho wo okuyoga iimaliwa otaga tsikile. Otandi pula ishewe kutya ngele Omuperesidente okwa li iniitulamo mokukondjitha uulingilingi omolwashike inaa thikama omakonakono ngaka moshipala nelalakano okugamena ookuume ke.Otandi shi endulula kutya oveta nayi pitikwe opo ndjika yi longe iilonga yayo pwaana uumbanda nenge egamo lyokombinga yimwe,. Shika osha ningwa nomishangwa opo dhili okushi koleka. Tse inatu vula okuya mo moshinima sho SME Bank molwashoka shika oshali miikaha yohofa moka shali tashi pulakenwa. Ihe epangelo inali ya mo opo li mweneke Ombaanga ya Namibia sho ya tokola okupula ohofa yopombanda yi pate ombaanga ndjoka nonando otwa li tu shi shi kutya aaniilonga omathele aaNamibia otaya kanitha iilonga yawo. Nando tse otwa li twa pula Ombaanga yaNamibia opo yi tu pe ethimbo lya gwedhwapo tu popye oshinima shika naanambelewa yepangelo moZimbabwe nomoSouth Africa.

Ihe ngashingeyi otashi uvitha nayi sho ombaanga ndjika yili miikaha ya edhili yomahangano opo ngele otashi vulika yi edhilwe thiluthilu, sho oshinima shika osha guma aaNamibia mboka ya kanitha iilonga yawo. Yo mbaka hayo ayeke ya gumwa koshinima shika. Otatu kumike ayehe mboka ya gumwa koshinima shika ya kwatathane naambelewa mboka yeli mewiliko lyiipambele yombaanga ndjika.

Nandi longithe ompito ndjika okufatulula nawa kutya SME Bank ka yi na esiku limwe yali “opoloyeka ya Hage” ngaashi tashi popiwa kaantu yamwe. Ombaanga yo SME oya dhikwa po sha landula etokolo lyoKabinete hoka ka ti oshiketha nale hashi gandja omikuli nenge hashi dhi kwashilipaleke shali kohi yUuministeli Wiipindi noofabulika nashi lundululilwe moSME Bank. Edhikopo lyombaanga ndjika molwashoka olya li kohi yoshikondo shoka pethimbo ngame nda li omuwiliki gwasho, ngame onda tula miilonga etokolo ndyoka onga minista Yiipindi nooFabilika.

Shampa ndapewa oshinakugwantithwa ngame ohandi shi longo ngaashi nde shi inekelelwa. Shika otashi ulikwa kwaashoka nda longa, sho nda tuminwe koUN pethimbo lyuugundjuka wandje womimvo ashike 22 nonda li ndina okugandja oshikumungu shaNamibia, osho wo onda popi noku ninga iikonga naanambelewa yiigwana mbyoka ya kalelwapo moUN osho wo naakwashigwana moounivesiti dhaAmerica, unene tuu omahangano gaaluudhe nayalwe moku ya hokololela oshinima shekondjelomanguluko lyaNamibia. Natango onda longo wo, ndi itula miilonga yandje sho nda li nda pewa oshinakugwanithwa okutota po osikola ndjoka yoUnited Nations Institute for Namibia moLusaka, Zambia.
Osha ningwa ishewe, sho nda ulikwa okukala omunashipundi shoshigongi shoka sha nyola ekotampango lyaNamibia na ishewe sho nda ulikwa ongoOmuprima gwotango gwaNamibia, noshinakugwanithwa shoku tunga po elelo epe lyopashigwana. Onkene itashi kumitha sho kuume kandje na hailwa Hidipo Hamutenya (ombepo ye nayi vululukwe nombili ) a nyola mondjokona yandje ta popile ndje ndi pewe iilonga mo UNIN a ti “omolwiilonga yuudhiginini yaHage oSWAPO ya yalulwa koUN ongo oyo omukalelipo elela na awike gwaantu ya Namibia.” Onkene ngashingeyi onda mwena oshoka Ombaanga ya Namibia oya kutha onkatu moshinima sho SME Bank noohofa otadhi ungaunga noshinima shika.

Iiningwanima yilwe yuulingilingi nenge, wiilonga inaa yi opala mboka tawu hokololwa owa kwatela mo iipotha iikulu ngaashi Avid Social Security, Offshore Development Company no Development Capital Portfolio yaGIPF, oshikumungu shomapapa gomusiki goKORA nomalundilo ge na sha na NAMDIA. Uuministeli wOmahangano gopapangelo owa pewa oshinakugwanithwa okukonakona omipopyo ndhoka okutala ngele opena iilonga inaayi ukilako ya longwa moka nenge momahangano galwe gepangelo. Iiningwanima ayihe mbika oya konakonwa nenge otayi konakonwa, opo oonkatu dhi katukilwe mboka ya longa omapuko, onkene kasha li mondjila okupopya kutya ngame onda mwena.
Epangelo lya Namibia kalina esiku lye etha omapuko taga ningwa li ga wete.

Iipotha ayihe mbika otayi longwa nayo na otayi ka enda moshinkoti shoveta. Eeno otandi zimine nomupopyo ngoka tagu ti uuyuki wa tokelwa owo uuyuki wa tindilwa. Onkene otuna okulonga twa mana mo okunkondopeka noku ukililitha omulandu , omukalo gwokulonga osho wo iiyukithilo , opo uuyuki mboka tawu gandjwa shi ningwe pethimbo lela. Mu shika tse otwi itula mo okutala kutya omulandu gwuuyuki ogwa pewa iipumbiwa ayihe mokulonga iilonga yago nawa nopethimbo.

Pitika ndje ndi tye sha kashona kombinga yetalululo lyevi.Epangelo otali longekidha oshigongi shopashigwana shina sha nevi nuumvo, onkene pethimbo ndika opena oonkundathana tadhi ningwa miitopolwa.

Oshikwawo onde shi popi moshipopiwa shandje koshigwana kutya oshigongi shevi inashi sa nando ohoni okukundathana iiyetwapo ngaashi mbyoka yevi lyookuku, omulandu gwomulandithi a hala nenge omulandi a hala.

Omathimbo ngaka onda talelwapo kolutu lwOmahangano gaashi gopapangelo ndoka luna omaipulo kombinga yoonkundathana ndhoka tadhi ningwa miitopolwa kombinga yoshigongi shika yati molwethimbo inaali gwana shika otashi vulika shi thige po yamwe inaa ya gandja omadhiladhilo gawo.

Onkene otashi vulika shi longe nawa ngele oonkundathana noku konga omayele huka otaku ningwa komeho goshigongi shika shopashigwana. – Shika oshipopiwa shOmuperesidente Hage Geingob sha fupipikwa. Omuperesidente okwa popi shika kombinga yonkalo moshilongo, pEgumbo lyEpangelo, mOmaandaha goshiwike shika.

LEAVE A REPLY

Please enter your comment!
Please enter your name here