Nkene mbo ye li koNooli yagumwa keso lya Robbie

0
207

Oshimpungu shomaudhano oshiwike sha zi ko osha li sha adhika koshikogo oshiluudhe konima sho omuyambidhidhi dhingi gwoBrave Warriors Robbie Savage a li a thigi po uuyuni mbuka. Omutoolingkundana gwetu SHIPI ELAGO okwa li a yi moonkundathana nayamwe mboka haya toloka omaudhano naadheuli yoosipana mboka ya li ya hokolola Robbie miitya iifupi ngaashi ta shi landula.

Damian Shuumbwa

Omutoloki gwomaudhano moRadio yaNBC yoOshiwambo: “Robbie oku li ekanitho enene kaaNamibia ayehe mboka ye hole omaudhano ondishishi otaya ka kala ya yuulukwa okumona oshipala she pomaudhano, ekalepo lye olya li lya pe omaudhano getu esimano onkene otashi ka pula ethimbo okumona omuntu gwuukwatya wafa we, ngoka konyala ehole uudhano auhe moshilongo, omwenyo gwe na guvululukwe nombili.”
Jovita Kandjumwa

Omutoloki gwomawudhano: “Robbie okwa li ependa omunamagano sho nda putuka onda li ha ndi mu mono koTV ashike onda li nda mono ompito oku mutsakaneka pethimbo lyoCOSSAFA ya li moNamibia na onda li nda mono nkene a li shili a kala puudhano kehe mboka wa li wa dhanwa okuza ngaa esiku otonamende ya tameka sigo esiku yapwa. Namibia okwa kanitha.”
Alex Iitumba

Omudhewuli gwosipana yOshana U20 naangoka wo hadheula osipana yoYoung Chiefs: “Robbie okwa li omuhanganithi , okwa li ha kala puudhano awuhe kakele ashike woSoccer ashike Robbie okwa li okanona komaudhano na okwa longa oshimpungulonga she.Otandi dhimbulukwa sho twa li twa sindana ekopi lyo dhe Namibian Robbie okwa li a geya oshoka otwa li twa dhengemo osipana ye, ashike konima okwa li etu wayimine sho twa pewa ekopi noku nyanyukwa pamwe natse.”

Johanna Teafilus

Omuholi gwomaudhano: “AaNamibia natu hambeleni omushiti sho ali etu pe Robbie ngoka a li eyambeko koshilongo ashihe navululukwe nombili. Epandja lyomaudhano otali halele ofamili yaRobbie oonkondo sho taya ka tsikila onkalamwenyo yawo keepo we.”

LEAVE A REPLY

Please enter your comment!
Please enter your name here