Olweendo lwosipana yoYoung Chiefs mOshakati

0
31

Shipi Elago

OSHAKATI-Ondjokonona no nakuziwa yokatanga kokoompadhi modoolopa yaShakati oyina omushila omule. Walyewo ngele opuna ngoka ta vulu okutokola omushila gwa tya ngaaka.

Okuza lwopomimvo dho 1970 oosipana odhindji odha li dha totwa modoolopa ndjika dha gwedha kwaandhoka dhakalapo nale.
Oyendji mboka ya liko ota ye shi hokolola nkene okatanga kokoompadhi ka li ka hita momitima dhaakalimo mOshakati noodoolopa dhopuushiinda pomimvo dhiyaka nankene oosipana dha li dhina ohokwe yo ku dhana okatanga kokoompadhi ta ka nyanyudha.

Osipana yo Young Chiefs oya li ya totwapo pokati komumvo 1989 yatotwapo kaadhani mboka ya li ya thigipo osipana yo Golden Bigs molwaashoka ka ya li ha ya mono ompito yokudhana mosipana ndjoka.

Osipana ndjoka ngashiingeyi yishiwike nawa noshilukadhina “Amathekie” oya li ya totelwa megumbo lyaKuku Sissy Shilunga ngoka a kala ehole omaudhano na okuli oye omukokoli gwosipana ndjika ngashiingeyi hayi dhana moliha onene moshilongo (NPL).
Kuku Sissy Shilunga oku li a dhana onkandangala metotepo lyosipana ndjika oshoka okwa kala noku yi edhilila megumbo lye mOshakati West okuza sho ya li ya totwapo mo 1989 sigo okeluwa ndika.

Vaino Amuthenu oye omunashipundi gwosipana ndjika na pamwe na Kuku Sissy oya dhikapo omutima gwosipana ndjika.
“Young Chiefs okuna ooyene oshi li sha simana opo aantu ya kale ye shi uvako ngawo oshoka opwa kala puna omapopyo ta ga pukitha kutya anuwa osipana ndjika ka yi na mwene na oyo shigwana , ashike osipana oyi na ooyene mboka ye yi totapo, onkene Kuku Sissy Shilunga oha tu mu ithana omukokoli gwosipana ndjika na oye mwene gwayo na oha kwathelwa komunashipundi Vaino Amuthenu naambaka yaali oya folomapo omutse gwosipana ndjika,” Hafeni ‘Maniki’ Shikulo gwumwe gwomelelo lyoYoung Chiefs ta ti.

Young Chiefs okuna ondjokonona onde na ota hokitha oya dhanenwa komadhina omanene mondjokonona yokatanga kokoompadhi koNooli ngaashi Findji Nandjuwa, Sion Hanai nosho wo uumati uyali mboka wakala wu shiwike onga ‘Shilunga`s Brothers.’
Findji oye gumwe a dhana onkandangala moku eta omukalo gwopashinanena gwokudhana etanga moYoung Chiefs moka ye li ha ya dhana etanga lyokuponoka na osho oYoung Chiefs yi li ha yi dhana sigo ongashiingeyi.

Young Chiefs okwa li a mono ompito lwotango okudhana moliha momvula 1995 moliha ndjoka ya li ya simana miitopolwa yo koNooli yoPunyu League ndjoka ya li ha yi kwashilipalekwa koongeshefa dhanakusa ngashiingeyi Jairus ‘Punyu’ Shikale.
Mo 1997 epandja epe lya li lya shangwa mondjokonona yoYoung Chiefs sho ya li ya mono ompito oku ya koliha yoFirst Division ashike oya li ya ningi mpaa lyatuka opo lyanambele oshoka mo 2000 Young Chiefs okwa li a gumo moliha ndjika nokuya koliha yopevi mpoka a li a yambukile.

Amatheki okwa li a yungu ontanda moliha yoSecond Division yaShana moka a li a lumbu uule woomvula 11 ashike miikando mbika okwa li a sindana oliha iikando itano ashike okwa li ashike ha ka hakela kedhingoloko ndyoka ha li dhindi oosipana dhoka dhina oku ya koFirst Division na okwa kala noku galukila koliha ye yoSecond Division.

Shaalula oshina ondjambi Young Chiefs okwa li a sindanapo oliha yoSecond Division yaShana nokuya koFirst Division mo2013/2014 ashike okwa li ashike a likola ehala etitano n aka lya li lya gwana okuya komalolelo goPremier League ‘Play Offs’.
Ashike kapuna okadhila ihaa ka tiliganeke onyala omumvo gwokatanga gwo 2014/2015 ita gu ka dhimbiwa mondjokonona yoYoung Chiefs oshoka omumvo ngoka oya li ya ulukile oosipana oonkwawo komutse gwOndjamba sho ya li yasindanapo oliha yoNorth West First Division noku mona ompito yoku ya moPremier League.

Young Chiefs okwa li a tameke onkalamwenyo ye ompe moPremier League momumvo gwokatanga 2015/2016 moka ali aningi ye enda oya tsuwa nokuutana, nomoshikako sha hugunina sholiha Young Chiefs okwa li iiyadha ta kondjo nomwenyo opo a kalekepo eha lye moliha na okwa li eshi ningi mokusindana po uudhano we uutiyali wa hugunina noku dhana shithike pamwe niitsa mbika oya li yemukaleke moliha natamgo .
Okapale koIndependence Stadium omo ha mu dhanenwa omawudhano gwomegumbo koYoung Chiefs nongele okapale haka kakeli monkalo ombwaanawa uudhano we oha wu ka dhanenwa kokapale keli ookilometa ntano muuninginino waShakati keshiwike nawa Uukwangula Sport Ground.

Ngele Young Chiefs ota dhana eli megumbo nena oha zala okambindja kolwaala olumbulawu lwafa egulu omanga ngele oku li pondje oha zala okambindja okatokele.

Shono ta shi kumitha ooshoka kutya Young Chiefs nkee a kala ina kala ena omudhewuli a pyokoka sigo ota yi koPremier League.
Osipana ndjika oya kala yi na wo omasiku omawiinayi mondjokonona yawo limwepo lyomomasiku ngaka ooshoka ya li ya dhengwa shinyanyalitha kosipana yOmeege United pokapale koIndependence Stadium nookoola 9-1,na oya li ishewe yi ifolwa kosipana yoRamblers noshipandi shookoola 17-2 pokapale kUukwangula.

Pokati mpoka Young Chiefs okwa li aadhikwa kekuyunguto ndyoka lya ka etitha elaleko miilonga lya gumwe gwomelelomutima lyosipana Damien Shuumbwa ngoka a kala nosipana ndjika ethimbo ele onkundana ndjoka ya li ya dhenge oyendji pomutima.
Nopehuulilo lyoshikako shomawudhano 2015/2016 Young Chiefs okwa li wo a laleke aadhani yamwe mosipana moka mwa kwatelwa wo Daniel Ashipala “Maldini” nosho Fredinard Ndahangwapo, na Eddy Amugongo.
Oya li wo ya laleke miilonga omudhewuli Ice

LEAVE A REPLY

Please enter your comment!
Please enter your name here