Omaulikilo oipindi aEenhana oshikando oshiti-10

0
34

Komutoolinghundana

OHANGWENA-Omauliko oipindi aEenhana omudo 2017, taa ulikwa oshikando oshitumulongo okuli metifa na otaa ka xula mOsoondaxa..
Omaulikilo aa otaa ningilwa monhele ipe yomaulikilo oipindi Eenhana Convention Centre, Eyi onhele yakula okuningila oipindi tamu kufwa ombinga kuvahapu. Ovapindiki voipindi 230 ova kufa ombinga moipindi, ovashingifi 60 ovanini va kwafelwa kepangelo tava landifile motenda yavo. Ovalandifi vaheyali ova dja pondje yoshilongo koilongo Tanzania naKenya otava landifa oikutu yoshiAfrica, navamwe va dja koilongo yovaArab tava landifa omamate neembiya.

Omunambelewa omukwatelikomesho wodoolopa yaEenhana Walde Ndevashiya okwa ti, omaulikilo okwa kwashilipalekwa kehangano Nikodemus Holdings (PTY) LTD, koFirst National Bank moStandard Bank nomwaalu wovapindiki neudo okudja komahangano epangelo owa ninipala omolwa onghalo yomaxupilo. Ndevashiya okwa holola kutya, elelo ola tula po omashikulafano mahapu okuhafifa ovauyi komaulikilo oipindi 2017 a longikidwa pamufika wowina. Ota ti, onhele oya kula nande inai pwa kulongikidwa lela, otai longikidwa tashi endele ko onghatu nonghatu fiyo aishe ya pwa ko okutungwa omatungo.

Mokati kovauliki voipindi omu na ovalongikidi voikulya koKatutura opo ovatali voipindi vaha fye ondjala nenota. Ndevashiya ta holola kutya, eenhele dokulongikidila oikulya oda pwa po, nosha imba ovalandifi voikulya vaha mone omhito okukufa ombinga moipindi neudo. Elelelo otali fi oshisho opo modula tai landula li wede ko outala vamwe.

Omwaalu wovatalelipo momaulikilo oipindi oshikando oshitimulongo otau ulike elunduluko okutala okudja petameko manga elalakano loipindi inali udika ko. Ovalandifi motenda yovanangeshefa vepangelo otava landifa oilandifomwa ya yooloka ihapu oya dja meedjo domomudingonoko, oilikolwa momapya, yopaushitwe noilongomwa yokeenyala. Ndevashiya okwa shiva oshiwana shi konge ouyelele manga wa etwa popepi nasho, noshi lalakanene okuyambula po eliko lasho nokushakenifa ondjodi yepangelo.

LEAVE A REPLY

Please enter your comment!
Please enter your name here