Ooprojeka dhopevi nadhi nkondopekwe – Kansela

0
42

Loide Jason

ANAMULENGE-Kansela gwAnamulenge Werner Kalipi ota indile aakwashigwana ya yambidhidhe ooprojeka dhomomikunda opo shi kwathele moku shunitha okuheena iilonga pevi nosho wo okutidhapo ondjala.

Kalipi okwa popi ndhika omwedhi gwa yi pethimbo Kundana a talele po oshikandjohogololo she.
Kansela okwa ti oprojeka ndjika yoondhopi ngashingeyi ya kuta aaniiloga omulongo nagumwe otayi kwathele aagundjuka mokukala yi ipyakidhila noshowo mokumona mo iiyemo yontumba.

“Ooprojeka dholudhi nduka oombwaanawa okunkondopalekwa oshoka ngele owe dhi nkondopeke nena owa nkondopeka oshigwana,” osho ati ngaaka.

Okwa tsikileko ta ti ombelewa yoshikandjohogololo oya kwathela niilongitho yongushu yoondola omayovi 40 000 oku pitila mendiki lyo Micro Finance Project.

Micro finance Project okulile po oku yambidhidha aakwashigwana momikunda mboka yena oongeshefa ooshona ihe otadhi vulu oku kwathela mokushunitha onkalo yokuheena iilonga pevi. Kansela okwa indile woo mboka yena ehalo lyokutunga ya lande nokuyambidhidha oongeshefa ndhoka ooshona na odhili momikunda opo dhi yambuke po.

“ Ngashingeyi omiti itadhi tetwa wee. Ngele omuntu okwa hala oku tunga nena okuna oku landa oondhopi,” osho ati ngaaka.
Ongeshefa ndjika oya totwa po muJuni nuumvo ihe oya gandja iilonga kaantu yeli omulongo na gumwe.

Ashike mwene gwoprojeka ndjoka Albinus Ruben okwa ti muule wethimbo efupi oya hala okukala ya gandja iilonga kaantu oyendji ngaashi tashi vulika. “Ngeno nande oomuule woomvula mbali onda hala oprojerka ndjika ya kuta aantu ye vulithe pomilongo 50,” osho ati ngaaka. Okwa ti okwa nyanyukwa kutya momukunda gwawo omwali muna aantu oyendji kaayena iilonga unene aagundjuka , ihe ngashingeyi okwa kutha mo aantu yeli omulongo 11.

LEAVE A REPLY

Please enter your comment!
Please enter your name here