Tava file meendungu eshi puhena eemboola domeya

0
207

Tusnelde Nghilinganye

TSANDI-Kansela woshikandjohoololo shaTsandi, okwa indila Ouministeli Wounamapya wu tule po eembola dikwafele ovanahambo pomudingonoko wOkatjeidhi, moshikandjohoololo shaye.

Junias Amunkete okwa ninga eindilo eli sha shikula efyo lovanahambo vatatu pomukunda oo ohani yadjako, taku fekelwa va fya oshuunguungu eshi vali tava wapaleke ondungu omo hava xuwile oimuna yavo.

Ombelewa yakansela wa Tsandi oya yakula onghundana yo valumenhu vatatu vafila mondungu, vo ovo Nghihangakenwa Kandjeu odalele yokOmongwa moAngola womido di hee shivike, Lukas Iiyambo Penombili womido 20 na Safinus Tooleni Onesmus womido 23 ava aveshe eedalele domoTsandi.

Ova mana oweenda wavo eshi va fila mondungu youle wemeta omugoyi pohambo pOmaluwa, omanga vali veli pyakidila nokuxupa, otaku hokololwa kutya eshi osha ningwa omolwomhumbwe yohapi.

Amunkete okwa indila peehambo odo pu tulwe eembola molwashi, eshi oshikando oshititatu ovanahambo tava file mondungu. Modula 1992, Matheus Johannes okwa xulifile oweenda waye pOmaluwa, omanga vali tava xwiile eengobe. Modula 2014 ovalumenhu vatatu Amunyela Augustus Heita, adile mOtapaela, Josef Gerson wedula 22 womOkafitukashau na Martin Endjala womido 43 womOipandahangano navo ovafya eshi ohapi yapwapo mondungu omanga vali tava xupu ondungu pOnangwe i heeli kokule nOmaluwa.

Amunkete ta ti: “Ediladilo laye oleli; omolwoiningwanima yatya ngaha, na pa ningwe omapepapeko kutalike osheetifi. Opa pumbwa yo ovanongononi opo ve uye vatale eshi shili koshi yedu, nomanga omapekapeko tayii komesho ovanahambo nava tulilwe po eemboola domeva. Shaashi oiningwanima yatya ngaha otai holoka ashike peehambo opo pehena eembola, opo ovanahambo tava kendabala ku kongela oimuna yavo omeva.”

Okwa ti osha pumbiwa yoo opolifi ikale tai longele kumwe novapangi moiningwa nima yoludi eli, ngee opolifi yalopotelwa na vakale pamwe no vapangi, opo ngee omunhu okwa hangika a pumbwa ekwafo lotete vo ovapangi tava kwafele okutula omunhu kiifudifo. Pefimbo limwe omunhu otashi dulika tadimo ta fuda yo opolifi kaina owino yoifudofo.

Pahokokolo la pewa Kundana ku Stefanus Iyambo, oo naye a li poshiningwanima ota ti; efiku olo, ovaya kediva omo hava nwefa eengobe davo nelalakano oku li wapaleka. Ta ti manga ina va kufamo onhata, tete ova pombamo omeva neshina. Iiyambo okwa hokolola kutya pashiwambo, opo veli vatele ovena okuya mondungu omo nomakaya va tula mondooha, opo omwifi womakaya u va vatele. Mediva ohamwi wa omunhu eli omutumba mevela nde naashi ta dimo osho ngo ta ningi.

Lukas umwe wo mo nakufya tayi, ta yandje edu ku vakwawo ovo veli pondje yediva. Konima nakufya Tooleni okwa mona vati mukwawo oo eli meni ota ende kashona, ta imo opo veke li kwafele. Iiyambo ota ti, konima yominute omilongo nhatu okwe vapula nge ota va twikile noku yandja edu, ile ovapumbwa evatelo, ashike umwe womonakufya okwa ti shapo ondooha yomakaya oyo ashike nai djemo, shaashi omwifi otau mwehamifa momesho. Okwa li a kumaidwa kutya ondooha itai dulu okudjamo, shapo nava pewe ashike omakende oku li vatela.

Lukas okwa pula a djemo nava kwawo ova itavela okumunanamo, ashike onghendabala ei oya hulila mounyengwi eshi nakufya ongodi eyi efa nokuwila omutwe monhata. Nakufya Tooleni ou a hangika veli naye meni londungu okwa kendabala oku mu yambulapo ashike okwa nyengwa, nokwa pula ekwafo kuvakwawo ovo veli kondje opo vemu kwafele. Nghihangakenwa ou a ninga nakufya omutitatu, okwa tokola opo a yemo e ke mu kwafele, ashike naye ina fikamo vali mondungu okwa wilamo.

Iiyambo oo ali poshiningwa nima okwa yandje yo omadilaadilo aye ta ti: “Opolifi novapangi ovapumbwa oku kala vena oilongifo yawana monghalo ei, ile nge ovanhu tava ka xupa napa kale ekwafo okudiilila kopolifi nokoshipangelo.” Ta yandje omayele opo ovanahambo vaha xupe vali omanga inaa va pula ekwafo lopolifi novapangi. Ota tengeneke yo kutya eshi oshimoko shomedu.

LEAVE A REPLY

Please enter your comment!
Please enter your name here