Aanuulema nayo oya kuthombinga moHusab marathon

0
7

Komutoolinkundana

Windhoek-Uudhano wokumatuka uutitatu waHusab owa li ko Olyomakya gayi moka aantu 829 ya li ya kuthombinga. Muudhano mbuka aatondoki yahamano ye na uulema oya li wo ya kuthombinga muwo. Ethigtahno ndika olya ningilwa popepi noshikunino shuushitwe shopashigwana sha Namib Naukluft mondjila yokuya komina ya Husab popepi naArandis.

Ngoka a thigi po aatondoki ayehe muudhano mbuka oye Nelson Kandungua a tondoka oshinano shookilometa 42 methimbo lyootundi 2:13:01 nokwa pewa ondjambi yooN$10,000 koomuma, omanga Leena Ekandjo oshilyo shetanga lyopolisi yaNamibia okwa sindana oshitopolwa shoomeme moshinano shookilometa 42 a matuka noku mana methimbo 2:57:41. Aasindani yalwe moshinano shookilometa 10 oya kwatela mo Kefas Kondjashili osho wo Ottilie Kaunapawa Aimwata.

Ngoloneya gwErongo nakuume kuudhano mbuka sho a popi petameko lyawo okwa ti uudhano waHusab owa eta ompito ombwaanawa oku eta pamwe aaniilonga yaSwakop Uranium noofamili dhawo osho wo oshigwana ashihe shomErongo.Cleophas Mutjavikua okwa ti uudhano mbuka owu li wo ontompa pokati kaaniilonga yaSwakop Uranium noshigwana ashihe shaNamibia.

Omumvo kehe oshiketha shedhina Swakop Uranium Foundation ohashi pula Mutjavikua opo a ulike ehangano ekwathelwa nenge osikola opo yi pewe iimaliwa mbyoka ya hupithwa po konima yethigathano ndika. Moku mona onkalo moka muna omanongelo ogendji goshigwana moshilongo, Mutjavikua okwa ulike oprimasikola ya Katora popepi na Spitzkoppe oyo yi pewe ekwatho ndyoka nuumvo.

LEAVE A REPLY

Please enter your comment!
Please enter your name here