Ekopi lyaKanu lyotango moNooli

0
168

Shipi Elago

OUTAPI-Omunangesefa gwomOutapi okwa tula po oshimaliwa shooN$110 000 poshitaafula opo shi kondjelwe koosipana dhoka tadhi ka kutha ombinga muudhano wekopi lyo Namibia Heroes omwedhi nguka mOutapi.

Peter Kanu Amadhila okwa ti otonamende ndjoka ya egulukila oosipana adhihe moshilongo otayi ka kala oyo yotango moNooli yi na oshimaliwa shithike mpoka mondjokonona yokatanga kokoompadhi moNooli na oya tegelelwa yi ka nane oosipana okuzilila koombinga ne dhoshitunda Namibia.

Pethimbo Kundana a kundathana na Peter Kanu Amadhila, nguka okwa li a holola kutya ewiliko lyongeshefa ye olya lil ya tokola oku tula oshimaliwa muudhano opo ku yambulwepo omaudhano moshilongo.

“Ongaashi tushishi kutya omaudhano ngashiingeyi oge li ga tulamo ombiliki noosipana odhindji kadhina nando ompito yokwiiyutha momagulu, ondi wete kutya ndjika oyo ompito ombwaanawa okugalulila omaudhano koshigwana,”Kanu ta ti.

Osipana yotango oya tegelelwa yi ka fadhukepo nokapandi koodola 50 000,ekopi,noombandi dhoshingoli 18.
Osipana ndjoka ta yi keya puutiyali ota yi ka pandulwa nokapandi ko 30 000, oombandi dhoshisiliveli, omanga osipana ndjoka ta yi keya pehala etitatu nolyahugunina ota yi ka fala kegumbo okapandi koodola 20 000 osho wo oombandi dhoshikushu.
Uudhano mbuka otawu ka dhanenwa pokapale ka Peter Kanu Amadhila Sport Complex hoka ka kala keshiwike nawa David Sheehama Secondary School Sport Field.

Kanu okwa li a hololele Kundana kutya okwa tamekitha iilonga yoku opaleka okapale haka okuka eta pomuthika omwaanawa moka iilonga ya tengenekelwa pomwaalu gwokapandi koodola 300 000. Omudhani dhingi guudhano mbuka ota ka kala fadhukapo nokapandi koodola 2000, omanga ngoka ta ka tulamo ookoola odhindji ta ka pewa olupandu lwo 1500 , ye omuhikihiya dhingi otaka pewa 1500, kwa gwedhwa oodola eyovi limwe mbyoka ya nuninwa omuhiki hiya kehe.

Okwa ti konima yotonamende nena iikwa-niipangitho mbyoka ya tula pokapale haka ota yi ka kala noku yakula oosipana dhomoshitopolwa.
Okwa ti wo oosipana kehe moNamibia odha eguluka oku kutha ombinga muudhano mbuka oshoka owa egulukila kehe osipana yi li moNamiba
“Otuna ombaapila ya za kuNFA ndjoka ya pa aadhani mboka haya dhana kohi yooliha dha NFA opo ya kuthe ombinga muudhano mbuka na ota ya vulu okudhanena oosipana dhilwe,”Kanu ta ti.

Okwa ti ndjika oyi li wo ompito ombwaanawa opo aaNamibia yahangane pethimbo mpoka taya dhimbulukwa omapendafule goshilongo shika pamwe nomuukumwe womaudhano oshoka omaudhano ogena oonkondo okuhanganitha iigwana.
Onkene kanu ota indile wo aayehe mboka yena oshinakugwanithwa shoku nyangela osipana yopashigwana aadhani opo ya ka kale puudhano mbuka yo ya tale ngele otaya itsumo aadhani yoopalela osipana yopashigwna.

Esiku lya hugunina lyokwiishangitha muudhano mbuka omasiku 18 ga Aguste 2017 na kehe osipana oya tegelelwa yi ki ishangithe nooN$ 9 000. Uudhano mbuka otawu ka tameka momasiku 24 sigo 27 gaAguste 2017 mOutapi, na owa kwashilipalekwa kongeshefa yoBetmoney Worldwide Investments.

LEAVE A REPLY

Please enter your comment!
Please enter your name here