Iipumbu a vene po otonamenda ya Uukule

0
48

Maria Namupala

ONYAANYA-Osikola yaIpumbu oyo yali ya dhengemo oosipana adhihe dha kuthile ombinga muudhano wetanga lyokoompadhi nokusindana ekopi osho wo okapandi kooN$1 100. Uudhano mbukwa wokomumvo owa li walongekidhwa kosekundeskola ya Uukule mOnyaanya ehuliloshiwike lya piti.

Osikola yaPonhofi oye ya puutiyali no ya pewa oshimaliwa shooN$600 omanga Gabriel Taapopi a pewa N$500 pehala etitatu.
Muudhano wetanga lyomokambamba oseko yaHaudano oyo yali ye ya kadhenga sho ya dhengemo oosikola adhihe noya sindana ekopi osho wo ooN$650, GT okwe ya puutiyali nokua pewaN$350 omanga osikola Uukule etelele okano nokwa mono N$200.

Okatanga kokoompadhi kaakadhona oka sindanwapo kUukule noya pewa ekopi noshimaliwa shooN$600 omanga Rev Juuso Shikongo a mono N$200.

Omuunganeki gwomaudhano mosikola ndjoka Joseph Haufila okwa ti otonamenda yokomumvo oya ende nawa lela pamulandu oshoka oosikola adhihe konyala ndhoka yali ya hiya odhali dha holoka lela momwaalu omunene.

“Otwali twa hiya konyala oosikola adhihe dhili miitopolwa yaWambo nale opo uunona wetu wuye pamwe wo wu tale nkene uudhano hawu dhanwa. Oosikola 26 odhali dha kutha ombinga metanga lyomokambamba, etanga lyokoompadhi lyaamati naakadhona,osho wo ovolleyball mono aathigathani yali taya dhana lela etanga no ku ulika iitalenti yawo,” Haufila ta ti.

Uudhano mbuka owali wa ningilwa pokapale ketanga mosekundeskola oyo tuu ndjika. Aadhani oyali taya dhana pwaana oluthuwo oshoka kehe gumwe okwali a hala oye a kale dhingi ye a faalele ekopi noshindji kosikola yawo.

Omakanda gomosekondele yaUukule ogali geshi ulike kutya go ohaga vulu okunuka noku umba okatanga moshili sho ga sindana po ekopi lyovolleyball noshimaliwa ooN$600 omanga osikola ya Rev Juuso Shikongo ya etelele okano noya pewa N$200.
Haufila okwa pandula oosikola adhihe dha kutha ombinga muudhano a ti mbuka wonuumvo owali wuli nawa okuyeleka nomimvo dha piti.

LEAVE A REPLY

Please enter your comment!
Please enter your name here