A iyaka modholongo moluuhasha wopolisi

0
365

Loide Jason

ONGWEDIVA-Opolisi yomoshitopolwa shaMusati oyili molukongo lwomunadholongo ngoka iiyaka mo modholongo omanga a thindikilwa kohofa mOutapi.

Okwa hokololwa kutya oshiningwanima shika osha ningwa oshiwike sha zako sha ningilwa kohofa omanga nguka ali eli metonaatelo lyaapolisi.

Ashike omupopiliko gwopolisi moshitopolwa omo tuu moka Warrant Lineekela Shikongo, okwa koleke kutya omoluuhasha wopolisi nguka a iyaka po na oshipotha shokwiiyaka modholong osha patululwa esiku tuu ndyoka omunadholongo a iyaka po.

“Aanadholongo mbaka oyali yeli omulongo 11 ihe aapolisi oyali yeli yaali. Oya ka dhimbulula ashike kutya gumwe gwomaanadholongo mboka kepo sho nale taye ya shunitha moondunda dhawo modholongo,” osho Shikongo a koleke ngaaka. Okwa tsikileko kutya omunadholongo nguka gwedhina Simeon Andreas oku na omimvo omilongo 31 na omukwashigwana gwAngola.

Shikongo okwati nguka okwa kala ta tamanekelwa oshipotha shuulunga noshowo ekengelelo kOndangwa. “ Kandishi kutya kOndangwa oshipotha shoka okwe shi patululilwa uunake na oshalongelwa peni ashike kOutapi okwali ashike eyako noshipotha shimwe shi ili,” osho ati ngiika.

Shikongo okwati kena nande uuyelele wa gwana kutya nguka okwai ena oshipotha sha faathana mOutapi nenge she osha yooloka .
Ihe oonzo dha inekelwa nawa kuKundana odha hokolola kutya nguka sho aniwa a iyaka modholongo okwayi pokandunda kokukululwa eta kwatelwa oka taxi kookaume ke yomOutapi.

Dhika Shikongo ati kedhi shina ine dhnuuva odha nakalindi kuye.
Moshitopolwa omo tuu moka omumvo gwa ziko mu Kotoba aalumentu yeli ya ne oyali ya adhika ya iyaka modholongo mOutapi, ihe yatatu yomuyo oya mangwa .

Ihe omunadholongo ngoka oye a lipo anika oshiponga pu ya kwawo ayehe ina mangwa sigo ongashingeyi .
Mboka yali ya iyaka modholongo omumvo gwayi oyali oyo 21 Shadipeni Immanuel Nghilifa, ngoka ali ta tamanekelwa oshipotha shokuteya noshowo uulunga wohauto. Nguka inakwatwa sigo ongashingeyi.

Andreas Panduleni Thomas, 24, okwali ta tamanekelwa oshipotha sheteyolyomagumbo, noshowo uufuthi, omanga 18 Joseph Shikalepo, ali woo nay eta tamanekelwa eteyo lyomagumbo nguka okwali a kwatwa esiku a iyaka mo modholongo.

Shikalepo na Thomas oyali ya pewa egeelo lyoomweedhi omulongo 18 modholongo kapena okwiifutila mo.
Omanga omutamanekwa omutine gwomimvo , 23, Pandeinge Angula Oscar, ngoka ta tamanekelwa eteyo lyomagumbo ali ina itayela ondjo ati kutya ye omuyuuki moshinima shika na oshipotha she sho ku iyaka modholongo otashi konaakonwa .

Okwa hokololwa kutya oongangala dhika odhali dha iya ka mo neyambidhidho lyomupolisi gumwe ngoka taku fekelwa kutya ogumwe gwomaanona mboka ya valelwa mekondjelo manguluko.

Omukulili Pohamba, 31, okwali a kwatwa po eta holoka mompangu yOutapi ndele oshipotha she etashi undulilwa komeho molyomakonaakono gap we.

LEAVE A REPLY

Please enter your comment!
Please enter your name here