North Korea iilongekidha okumboma oontanda dhaAmelika poGuam

0
195

North Korea okwa t iota dhiladhila oku umba oshitopolwa shaAmerica mefuta lyamwena hashi ithanwa Guam. Oshikundaneki sho pambelewa sha Korea lyokolundume osha ti ethaneko olyo oku umba ehala ndyoka noomisile dhoshinano shopokati naashoka oshile. Po Guam opo puna ooondhila dhokumboma ndhoka hadhi longithwa kuAmelika.

Omuperesidende gwa Amelika Donald Trump meyamukuko lye okwa londodha Korea lyokolundume opo li hulithe po okutilitha America a ti ngele oye shi ningi otaya ka tsakanekwa komulilo gwahanyenena ngoka inaagu monika mo nale muuyuni mbu.”

Omwedhi gwa yi Korea lyokolundume olya ningile omalolelo goomissile dhalyo oompe ndhoka tadhi vulu okuza koAsia noku kiindwangula moAmelika tashi vulika. Omuwiliki gwa Korea lyokolundume Kim Jong-un okwa ti oomissile ndhika odho omagano “kaanona yaAmerican mbo yavalwa koomeme inaa ya hokanwa.”

Okweshipopi omanga Amelika ali ta tyapula esiku lyemanguluko lyoshilongo shawo. Jong-un okwa li a pula aanawino yiikwalute moshilongo ya ka le ta yatumine Amelika “omagano guupakete uushona nuunene”, ta popi kombinga yiikwalute oompe.

Okutaambathan oohapu nomatilitho huka pokati kaWashington naPyongyang, okwa tsikila ndele China okwa indile mbaka opo ya ngungumane.
Uuministeli wiikwapondje waChina owa indile opo Amelika na Korea lyoKolundume ya yande iitya mbyoka tashi vulika yi fale monkalo ya nika iita yo ya kambadhale okupotokonona omukundu nguka pambili.

Iigwana Hangano omasiku ngaka oya zimine oondjindikila dhopamahupilo ishewe oompe dhi ningilwe Korea lyoKolundume, ndhika Pyongyang okwa ti otadhi yonagula omuthika gweithikameno gwoshilongo shoka, na okwa londodha kutya Amelika otaka futa opreisa omolwashoka.
Amushanga gwIikwapondje gwaAmelika, Rex Tillerson okwa ti kapena oshiponga sha sha shoka tashi etwa andola ku Korea lyoKolundume. Okwa popile wo Omupresidente Trump, ngoka a li a tilitha kutya ote ke mu dhenga nomulilo inaagu monika nale. Tillerson okwa ti Kim Jong –un iha uvu ko elaka lyuudiplomate onkene elaka lya honga olya li li na okulongithwa opo owala ye ta uvuko.

“Otandi dhiladhila kutya Omuperesidende okwa li ashike a hala okulombwela Korea lyokolundume kutya Amerika ote ki ipopila ngele okwa hindwa,” osho a ti.

Metitatu oshikundaneki shopambelewa sha Korea, KCNA osha Korea ota konakona omukalo gwo tema omulilo gwa kondeka Guam ta longitha oomissile dhe dhoshinano oshihupi naandhoka dhoshinano oshile dho Hwasong-12.

Oshikundaneki osh popi ndhika konima yoku mona omainyengo gopakwiita ngoka ga li ga ningwa kAamerika moGuam etiyali oshiwike shika.. Ndele ina pa lopotwa kutya Guam otashi vulika a ponokellwe ku Korea lyokolundume.

Metumwalaka koshigwaana Gavena gwa Guam Eddie Baza Calvo okwa ti kapena uutile kutya ontuntu ndjika nosho wo ndhoka dha Marianas otadhi ponokelwa ihe okwa ti Guam okwi ilongekidhila shaashoka.

Pyongyang, ngoka a lolele oomissile ntano omathimbo ga piti okwa t iota vu okunduluka oomissile dhiinano yopokati komanenevi na okwa ti okwa longa dhimwe ndhoka ngashigeyi tadhi vulu oku adha ko Amerika. Japana naye okwi itaala kutya Korea lyokolundume okwa ya ponkatu ndjoka ta vulu okunduluka iikondjitho yolutee.

LEAVE A REPLY

Please enter your comment!
Please enter your name here