Omolwashike ooindjiniya dhaZimbabwe inaadhi tegelelwa dhi ishangithe

0
10

Willem Goeiemann

Moku gwanithapo okatokolitho 5.6 koMeuvathano longelokumwe (MOU) lya kolekwa momumvo 2012 pokati ka Namibia na Zimbabwe, Namibia ota ka kwathela aanamaithano aaZimbabwe mboka yi ishangitha nale nomalutu gopaithano moshilongo shawo opo ya ishangithe ishewe nomalutu ngoka muka.

Okommissi yIilonga yepangelo oya tegelela opo omuneithano a za koZimbabwe iishangithe nolutu lweithano lye meni lyoomwehdi 12 konima yoku tameka iilonga.

Shoka sha simana ooshika kutya euvathano ndika otali lalakanene okunkondopeka ontseyo tuungomba yaaNamibia tashi pitile moku dheula aaNamibia omanga taya longo, tashi ningwa kaanawino yokoZimbabwe. Ngele aalongwa mbaka oya piti nena otaya vulu okushanignthwa nomalutu gopaithano moshilongo ongo aanamaithano gu udha monakuyiwa.

Oonkundathana nolutu halu wilike eithano lyaasindi yomatungo nenge Namibia Council of Architects and Quantity Surveyors (NCAQS) kombinga yoshinima shika odha tamekele muNovemba omumvo 2014.

Ombapila ndjoka NCAQS a nyola momasiku 23 Desemba 2014 oya kokelek kutya olutu ndoka olwa taambako omaishangitho ga shewa ngoka. No molwa shika Oshikondo shIilonga niiYenditho osha yi komeho noku tseyitha moshifo shepangelo kuitya aanamaithano mbaka otaya vuluku oku mangululwa opo yaa ishangithe nomalutu gopaithano moNamibia uuna mbaka yi ishangitha nale koZimbabwe.Shika osha ningwa pautho lyokatokolwa 23(1) ngaashi ta ka leshwa pamwe naahoka 11 koveta yo Architects’ and Quantity Surveyors’ Act, 1979 (Act No 13 of 1979).

Etseyitho olya li lya nyolwa moshifo shepangelo mu 13th April 2017.
Etseyitho ndika olya landulwa kombilive ya minista yomomasiku 28th July 2017.
Osha simana ishewe oku mona kutya eishangitho ndika ;lya shewa otali ningilwa ashike aanambelewa mboka ye li miilonga yepangelo yo oomboka ya pewa iilonga kohi yeuvathano ndyoka..

Eishangitho ndika olya kwatakanithwa kumwe nokondalaka yiilonga ndjoka aaniilonga mbaka haya pewa mepangelo, naandika ohali hulu uuna iilonga yawo ya thiki pehulilo.

Eishangitho ndika inali yalulwa pondje yiilonga yepangelo, tashi ti aantu mbaka itaya vulu okugandja omayakulo gopaithano komahangano nenge kaantu yopaumwene.

amibia Council of Architects and Quantity oye na oonkondo okutala mboka nkene taya longo kohi yeuvathano ndika.
Euvathano ndika olili mokutalululwa kombelewa Yahahende ndjai nomauvathano giilonga gaambaka oga lelepekwa sigo omomasiku 3 Kotoba 2017 opo ombelewa ndjika yi vule okutya sha koshinima shika.

LEAVE A REPLY

Please enter your comment!
Please enter your name here