Omukainhu apila mobashu yaye nokuxulifa

0
515

Tuulikki Abraham

L├╝deritz-Omukainhu womido 41, okwa pila mobashu yaye nokufya Olomakaya yadjako. Omukulunhu wopolifi moshitopolwa sha //Karas Rudolf Isaak, okwa koleka kutya omukainhu womido 41, Frieda Enkali, okwa pila mobashu yaye, nokufya, molukanda la Amilema modoolpa yaL├╝deritz, oufiku wOlomakaya la ya.

Omaliko aeshe ali mo nao okwa halakanifwa po komundilo, oo inaa ku shiivika kutya owa etwa koshike. Ovakwanedimo vanakufya ova shiivifilwa nale efyo eli, nomakonaakono opolifi otaa twikile. Mumwaina wa nakufya Helena Enkali, nokuliyoo omushiinda , ota hokolola, kutya oshiponga osha holoka oufiku wolOmakaya fimbo vali vakofa.

Helena ota hokolola kutya okwa uda ashike omushiinda wopopepi nobashu ya nakufya, takuu taufana edina lanakufya.
Helena ota hokolola kutya eshi auda eingido olo okwa nukamo moduda yaye, naashi aya pondje okuwete ashike omwifi, tau dilile kobashu yomukulu waye.

Ova tondoka, nokukakwafela ngeno vaxupife omwenyo wamumwaina, ashike ota hokolola kutya omundilo owali una eenghono. Ota hokolola kutya, omulumenhu umwe okwafanga po omuvelo, ngeno ayemo aka kwafele, ashike inadula okuyamo, omundilo owali wa hanya neenghono. Ovashiinda ova kendabala okuudima, na Kadimamundilo eshi afika, nakufya, okwa hangika apya nale nokuxulifa.
Nakufya okwa fiyako ovana vavali, omulumenhu womido 25, nomukainhu ena omido 18.

Omona wanakufya omulumenu, okwa kwatwa kehaluko, eshi a shiivifilwa kutya ina okwapila mobashu nokuhulifa, mumwaina wanakufya ota hokolola kutya, omona wanakufya, okwa hangika ashike opo adi kobashu ya ina, ali aufanwa eke mu ulikile ombete yaye oyo a landa, noya tulwa mobashu yaye omutenya wOlomakaya tuu olo. Omonamati wanakufya otaku hokololwa a kwatwa kehaluko, shaashi opapita ashike eevili dinini, konima eshi vali naina.

Nakufya okwa li ha longo mofaablika yeeshi ya Novanam(Pescanova).

LEAVE A REPLY

Please enter your comment!
Please enter your name here