Rössing Uranium a yambidhidha aaNamibia muudhano wokumatuka

0
18

Komutoolinkundana

Windhoek-Aamatuki yomarathon aaNamibia Paulus Iiyambo na Helalia Johannes oya longa nawa methigathano ndika ehuliloshiwike lya piti moLondon.Methigathano ndyoka Johannes okwe li manitha pehala 19 mongundu yaatondoki aakiintu omanga Iiyambo okweya mehala 37 mokati kaalumentu aakuthimbinga.

Reonard Namupala okwa mana ethigathano ndika pehala eti 35 molwaNamibia omanga Beata Naigambo okwa manitha okutondoka huka eya pehala eti 30 ye Lavinia Haitope okweya pehala eti 50 moshitopolwa shoomeme.

Ngele ayihe oye ende nawa, omanyakwa gaNamibia moku matuka otaga ka longa nawa okuya monakuyiwa. Johannes oye enyakwa lyomarathon yokoDublin ndjoka tayi ka tondokwa muKotoba. Ishewe mokalindeli komegumbo omuna natango omathigathano omanene ga tegelelwa okuningwa nuumvo.

Aanamibia ayehe yatano mboka ya kuthombinga methigathano lyoIAAF moLondon oyo aasindani nale yomarathon yopashigwana yaRossing. Iiyambo na Johannes oya tondoka omarathon ndjika nuumvo, omanga yalwe yatatu oyo Lavinia Haitope ngoka a tondoka omarathon nuumvo moshinano shookilometa 10, Reonard Namupala ngoka a sindanene uudhano womarathon omumvo 2016 na Beata Naigambo ngoka wo a matukile ookilometa 10 muudhano womumvo 2016. Omudheuli gwaatondoki mbaka ‟ omudheuli, Robert Kaxuxuena, naye omusindani gwomarathon yaRössing omumvo 2003.

Iiyambo na Johannes oya li ya pewa ooN$40 000 okuza ko Rössing Marathon Development Bonus omanga mbaka ina ya ya mondjila okuya ko London. Iimaliwa mbika oya nuninwa oku kwatha aatondoki mokumatuka kwawo omanga oyo omanyakwa gopashigwana gaNamibia.
Obonusa ndjika oye etelwe po momumvo 2011, yili pomwaalu gwooN$280 000 pombanda yomiyalu ndhoka hadhi futwa mboka ya sindana miinano iile moNamibia.

“Mbika iimaliwa hayi gandjwa okuyambidhidha, shi li pondje nokombanda yiimaliwa mbyoka hayi gandjwa ongo omasindano gaakuthimbinga mboka ya sindana omathigathano ngoka.Omayambidhidho ngaka ohaga kwathele aatondoki mbaka opo yi ilongekidhile nawa omathgigathano . “Otwi inekela shika otashi ka kwatha aatondoki yetu yi ilongekidhe nawa uuna taya ka kutha ombinga momathigathano galwe monakuyiwa.,” osho Amushanga gwehangano lyaRössing, Glynis Labuschagne, a popi pethimbo lyegandjo lyoondando ndhoka kaatondoki. Shika osha ningwa omanga mbaka inaa ya, ya mondjila okuya ko London.

“Iizalomwa yimwe niilongitho yilwe oya longwa paunongononi okugandja eyambidhidho osho wo okupupaleka ethimbo lyomadhewo. Oshiholelwa uuhema wokomatukitha mboka tawu kaleke olutu lwa talalelwa omanga to matuka, uundholo woomeme wa ndulukilwa owina okulongithwa kaamatuki, oowili dhuudhano ndhoka hadhi kwathele okulandula edhengo lyomutima lyoye.”osho Johannes a ti.

“Ngame otandi pandula wo ekwashilipaleko lya Rossing sho hatu vulu oku ilandela iitungilutu ya gwedhwapo mbyoka hatu kanitha uuna tatu matuka. Shimwe shomauwanawa giimaliwa yokuhumitha komeho ooshika kutya oshetu kwatha okwi ilandela iilongitho yilwe ya shewa yoku idheula osho wo yokulongitha pethimbo lyomathigathanao gogene,” Iiyambo ati..

“Okukala to vulu okuthigathana po otashi pula olutu lu kale lwa ndjangumukwa.Ohatu tameke okwi ilongekidhila omarathon konyala uule woomwedhi ne manga uudhano mboka inaa wu thika. Oomwedhi mbali dhopetameko ohatu idheula kombinga yoku kala inaatu vulwa unene.Moomwedhi mbali dhahugunina otaku gwedhwa ondapo mokumatuka konkalo yokwaa ha vulwa. Molwomadheulo ngaka ga kindja otwa pumbwa wo oongaku dhakola kehe methigathano, dho ndhika odha pumbwa okutu gamena opo twaa mone oshiponga sho tadhi humbata omalutu getu nawa. Epando lya kola nawa otali vulu okulandwa kooN$3 000 limwe. Iimaliwa yokuhumitha komeho mbyoka Rössing he tu pe ohayi tu kwatha opo tu vule okumona iipumbiwa mbika tse tu vule okudhana nawa twaana omaehamo gasha nokutondoka mpoka tatu vulu,” osho Johannes a ti.

LEAVE A REPLY

Please enter your comment!
Please enter your name here