Uudhano wo Rugby owa hokiwa koyendji moNooli Koopman ta ti

0
5

Shipi Elago

OSHAKATI-Uudhano mboka wa kala ashike wu shiwikile aatiligane ngashingeyi ohawu dhanwa komihoko odhindji muuyuni woRugby otawu koko noku nana ohokwe yaanona oyendji moNooli unene tuu mOngwediva nOshakati. Ekoko mohokwe yuudhano mbuka maagundjuka yokuumbangalantu olya kolekwa kuLuwellyn Koopman ngoka eli oye omudheuli guudhano mbuka posikola yaMauritz Devenish.Pethimbo ndika osikola ndjika otayi ilongekidhile uudhano wawo noWindhoek Gymnasium moWindhoek ehuliloshiwike ndika.

Okwa ti nando opu na ashike omwaalu omushona goosikola ndatu ndhoka hadhi kutha ombinga momaudhano goRugby, aanasikola oyendji ngashingeyi otaya ulike ohokwe yokudhana uudhano mbuka.

Oosikola hadhi kuthombinga muudhano woRugby koNooli odho Erundu Combined School, Kabatana Primary School nosho wo Devenish Private School.

Okwa ti uudhano mbuka otawu koko neendelelo okuyelekanitha nomimvo dha piti oshoka mbuka owa li wa simo moosikola ndhoka odho dhi li omweelo gwokupitila okuya koosipana onene.

Kakele koosikola, Oshakati Rugby Club oyo ayike okalaba hayi dhana omaudhano gwoludhi nduka na ohayi kutha ombinga moliha noosipana dhokuushimba.

Koopman okwa longa nuudhiginini okuyumudha po uudhano mbuka wa kala monaklo ombwiinayi ethimbo ele kolundume lwoshilongo.
Okwa ti oha kutha uunona moosikola ndhika ndatu opo atote po osipana yo U15 yOshakati Rugby Club.

Uudhano woRugby owuna omaingwandjulo ogendji ngoka haga eta wo omeehamo olundji, onkene owa pumbwa omuntu ena olutu lwa ngwama na okuna oonkonodo.

Okwati Namibia oku na oshitalenti muudhano woRugby unene tuu sho ye li oyo awike ha ya kalelepo Africa mekopi lyuuyuni yo na South Africa. Na oku li eli ponomola ontiyali muAfrica ta ti uudhano mbuka owa pumbwa oku talikwa ko nawa oshoka owo auke hawu ningi nawa wa landulwa koBokisa noAteletika .

LEAVE A REPLY

Please enter your comment!
Please enter your name here