African United komutse gwoSecond Division yaShana

0
22

Shipi Elago

ONGWEDIVA-Osipana yomOngwediva yoAfrican United otayi kondjo nuudhiginini opo yaa kanithe ehala lyayo lyotango moshitaafula sholiha yo a yoSecond Division yaShan. Ospana ndjika oyi na iitsa 16 konima yomaudhano gahamano gedhingoloko lyotango lyoliha ndjika. African United ndjoka hayi dheulwa kuNdjeimo Tobias otayi ulike omundilo omwaanawa na oya nika oshiponga na oya tilika koyendji.
African okwa li a kalekepo ehala pombanda yoshitaafula sholiha konima sho a dhengemo Poison Arrows nookoola ndatu mumbali pokapale kaValombola mOngwediva Olyomakaya ga zi ko.

Ashike konima ye oku na Golden Bigs a geya nokwa kenyeka ,omayego oshoka okwa yuulukwa okushuna koliha yoFirst Division hoka a li a gu ko omumvo gwokatanga 2015/2016.

Golden Bigs okuna iitsa 15 konima yomaudhano geli gahamano nopokati kawo naAfrican United ope na ashike oshitsa shimewe.
Shika otashi ulike kutya oonkondo dhokatanga moFirst Division odha endekela kOngwediva konima sho Oshakati sha kala noku pangela oliha ndjika ethimbo ele, Golden Bigs okwa li a dhengemo osipana yoPescanova 3-0 Osoondaha yaziko okukalekapo ehala lye puutiyalli omakankameno ge pehala etiya komutse gwoli.

Osipana yaKhuse FC oya landula mo pehala etitatu niitsa 13 konima yomaudhano 6, Khuse okwa li a ndopa oku mona iitsa itatu yiihwapo konima sho a li a dhana shithike pamwe na Foxy Senior 0-0 osoodaha .ya zi ko.

Ekondombolo lyaNangombe olya li lya dhengemo Vietnam Rangers 1-0 ashike esinadno ndika ina li lundulula sha oshoka oCity natango oyi li kohi yoshitaafula sholiha moka ye na ashike iitsa iheyali.

Ondondo yoliha ndjika ota yi humu nawa komeho okuyelekanitha nomimvo dha piti oshoka oosipana odhindji otadhi dhana uudhano tawu hokitha noonkondo.

Osipana ndjoka tayi ka sindana po oliha ndjika otayi ka yelwa okuya koFirst Division.
Oliha ndjika oyi na oosipana 12.

Mpaka otapu landula omusholondondo gwoosipana nkene dhathikama konima yomaudhano 6.

LEAVE A REPLY

Please enter your comment!
Please enter your name here