Ekwatho lyoshimaliwa kaanafaalama momahala ga ayehe

0
57
Exif_JPEG_420

Robert Kibet

Okumona ekwatho lyoshimaliwa sha hehelwa oshinima oshidhigu kaanafaalama aashona muAfrika. Oyendji yomwaambaka oyo haya longo iikulya yooperesenda omilongo 70 yenenevi ndika. Shika otashi ti eteyo okuza momapya gaambaka otali kala eshona, noshikwawo aanafaalama mbaka otaya kala wo nuudhigu okukondjitha omashongo ngoka taga etwa kelunduluko monkalo yombepo ngaashi omafundja nenge oluteni.

Otashi vulika ekwatho lili popepi. Ndika otali gandjwa molupe lwomukalo omupe goku gandja ekwatho lyoshimaliwa eshona, ndika olya tseyika ongo omukuli gwokuyumudhapo. Nguka otagu lalakanene okunkondopeka aanafaalama unene pethimbo ya taalela omaupyakadhi.

Oshiketha hashi ithanwa Vision Fund International (VFI) osho opoloyeka yopaigwana yaashi yopapangelo yedhina World Vision. Oya pewa omagano goshimaliwa hashi shunithwa okuza kodepartmente yelongelokumwe lyopaigwana moUK okugandja omikuli komafamilia 14 000 moKenya, Malawi na Zambia, konima yiiponga yopaushitwe opo mbaka ya vule okutungulula oonkalamwenyo dhawo noku tameka ishewe okulonga iiyemo.

Aanafaalama oya pumbwa omikuli petameko lyiilonga yuunamapya okulanda oombuto, omauhoho niipumbiwa yilwe yuunafaalama.Ndele aanafaalama mbaka kayena uuthemba wevi ndyoka haya longo nenge wo omakwashilipaleko galwe ngoka taya vulu okulongitha opo ya hehele omikuli okuza koombaanga ndhoka oonkulu, ndhika inadhi ya talako ongo aaheheli yiimaliwa aainekelwa. Omanga aagandji yalwe yomikuli, itaya opalele aanafaalama mbaka, oshoka omwaalu ngoka tagu hehelwa oguna okushunithwa mbala ethimbo lyontumba naashika itashi tsu kumwe niilonga yuunafaalama, mbyoka hayi longwa shi ikwatelela kethimbo lyomumvo.

Charity Mati, Omanedja yehangano lya VFI Kenya, ota fatulula kutya ongeshefa ndjika ohayi kambadhala okukwatha omunafaalama shi ikwatelela koompumbwe, inashi fa shoka hashi ningwa kaagandji yomikuli aashona mboka haya futitha omuheheli iihohela komukuli ngoka omwedhi kehe.

“Aayakulwa yetu oyendji aanafaalama,” Mati a lombwele IRIN. “Omanga opo taya kolo okuza muuwehame waEl Nino oya haluthwa ishewe koluteni .Otwa kuutumba nayo nokuya tulilapo omukalo tagu longo gwokushunitha omikuli dhawo, otwa pulakene komathaneko gawo na otwa adha euvathano’ osho a lombwele IRIN.

Omumvo 2015, Alice Muthee, omunafaalama omushona momukunda Motonyi, moshitopowa shaNarok moKenya okwa pelwe omukuli gooN$3,000 kaagandji yomikuli aashona noku hehela okulongitha evi lyoacre yimwe meitaalo kutya otaka mona iimaliwa oyindji mokukuna omatama.
“Oshoka onda li ndi na aantu yatano okupalutha osho wo ondina okulongitha aamwandje onkalamwenyo oya holoka yafa tayi nyengana”Muthee ta dhimbulukwa. “Onda li ndi na okulanditha po iimuna yandje opo ndi gwanithe po oompumbwe dhopashimaliwa dhefamilia lyandje.

Muthee okwa li itaala kutya omatama ge otaga ka ima nawa, na otaka vula okushunitha omukuli gwaantu meni lyoomwedhi ndatu.
Ihe , ina ndhindhilika kutya omatama, kage shi iimeno hayi vulu okupita momvula onene ngaashi ndjoka ya etwa konkalo yoEl Nino ndjoka ya hepeke nayi momumvo 2015 miitopolwa yaKenya, Somalia, Uganda, naEthiopia.

“Mokuhehela evi , aaniilonga iimeno nuuhoho, ondi iyadha tandi longitha iimaliwa ya pitilila mbyoka tandi longitha,” Muthee a lomwbele IRIN. “Oonkambadhala dhandje okumona iimaliwa okulanda omiti dhokudhipaga uupuka inadhi pondola sha oshoka inandi vula okupewa oshimaliwa.Nomvula sho ya tsikile okuloka yaana evululuko onda koneke omatama gandje ga halakanithwa po.

Mokupalamena tashi vulika ompito okulanditha po ishewe iimuna oyindji a vule okufuta omukuli gwe ngoka guna okufutwa pehulilo lyethimbo uvathano. Elago enene Muthee okwa kundana omukalo omupe gwoku gandja omikuli kaanafaalama aashona mboka opo taya kodhodhokwa okuza momaupyakadhi gomudhingoloko.

Okugandja omukuli okukwatha mboka opo taya kodhodhokwa okuza momaudhigu gopaushitwe okwa li kwa dhikwa po moPhilippines konima yoshikungulu shaHaiyan. Omalongekidho ngaka oga li ga gandja omikuli konyala kaantu omayovi gatano ya pewa konyala sigo opooN$7 000.

Pahapu dhaPhilip Ochola, omukuluntuwiliki gwoVision Fund Kenya, konima yoshiponga shopaushitwe moshilongo shoka, aagandji yomikuli aashona kaya li we yi ilongekidha okugandja omikuli kaanafaalama yaana omakwashilipaleko naamboka ya talika itaya ka vula okushunitha omikuli ndhoka.

“Omikuli ohadhi kala unene dha pumbiwa olundji konima yiiponga yopashitwe okukwathela aantu opo ya vule okutungulula”osho Ochola a ti. Omanga omakwatho gepangelo kwaamboka ya gumwa kiiponga yopaushitwe ohaga gandjwa molupe lwokupupaleka onkalo, nomukalo nguka itagu vulu okutsikilwa ongo gwaana ehulilo.,

“Okukwatha oshigwana nomikuli , okuya yambidhidha ya tunge oongeshefa muunampya ogo omukalo tagu vulu okuya kwatha tashi kalele, unene tuu mboka ye li muupyakadhi.

VFI oha gandja omikuli shi ikwatelela kokukala omuntu ta vulu okushunitha oshimaliwa ndele hako kukala negameno lyopakwashilipaleko. Oha dheula wo aayakulwa ye melongitho lyoshimaliwa.

Muthee okwa indile omukuli gooN$4000 okuza ko VFI, nguka a longitha moku kuna iikwamboga noku tameka ositola yiikutu ya zalwa nale. Pamukalo nguka okwe shi pondola okushunitha omukuli gwe gwotango na okwa li wo ta vulu okufuta osikola yoyana.
Omukalo gwomikuli nguka, ogwe ya po sha landula omapekapeko ga ningwa kuStewart McCulloch, omuwiliki gwekwashilipaleko muuyuni nomudirekta gwa VFI nOmuprofessori Jerry Skees gwaGlobalAgRisk.

“Omikuli ndhika inadhi opalela mboka ye li moongunga unene nenge mboka yaana iiyemo yasha ndele nee odho opalela oohepele pamahupilo.

Manga , Alice Muthee tatu vulu kutya okwa adha esindano shika itashi vulu oku popilwa Ole Peres ngoka inaa vula okushunitha omikuli oshoka okwa kala eli muudhigu wiikungulu ya landulathana mbyoka ya hanagula po shoka a longa..
Peres, ina vula okufuta oshoka eteyo lye lyepungu olya yonagulwapo komvula ondhigu.

LEAVE A REPLY

Please enter your comment!
Please enter your name here