Eyambule po leliko oshinakuwanifwa sha keshe umwe

0
30

Pefimbo apa oshilongo sha palamenwa komashongo mahapu, unene tuu opashimaliwa, osha pumbwa okukala oshinakuwafifwa shomuNamibia keshe okuyambula po eliko, nokushakeneka epangelo ondjilakati.

Omafiku aa Moody’s Investors Services okwa shinifa ondodo yaNamibia pedu pakulongifa oshiyelekifo shopaliko. Sha hala kutya ehangano eli ola tala eliko laNamibia ehena vali ongushu ngeenge tashi ya paliko.

Eshi nee ondodo yoshilongo ya shuna pedu, ita shi kwafa sha vali tu kale hatu lili le omashini a tika, katu na eshi hatu eta po, nekandule po lomukunda okulonga noudiinini, opo oshilongo shi shune ponghatu opo shali.

Shimwe shomwaayo oshilongo shapumbwa okutala, osho okuweda ongushu koilongomwa yasho, nokuxulifa po okutuma oilongomwa yahawiishu, hano ina i longululwa i ete posha kondje yoilongo.

Eshi, otashi kwafa opo oshilongo shikale tashi landifa oilongomwa koshimaliwa shili pombada, shidulife eshi hatu efa eedjo detu dopaushitwe di tapwe mo dili hawiishu koilongo yokondje fye hatu di landifa koushakashaka vanafangwa.

Vali, eshi ota shi nghonopaleke ovanangeshefa vanini, unene tuu ovo veli longela oungoba, opo va kale tava etapo oilongomwa, voo vadule oku ilandifa pondje yoshilongo ili onga oilongomwa ya pwa nale. Kakele kokunghonopeka ovanangeshefa, okulonga eedjo domoshilongo di shitululwe diye moilongomwa ya pwa nale, otaku kwafa okunghonopeka ovaNamibia oku li monena ounongo moikondo ili li na kuli li, fye tu kale tuna oshiwana shina eshivo leli xwa po.

Oinima imwe oyanafangwa, ngaashi oikulya yomeendooha, outenda noumbilingu, eevili, ombelela nosho tuu.
Ashike nande oshilongo shi na ounamapya nounaimuna, onghee ngoo to hange eendooxa domakunde, dombelela ile omakende omadama meefitola a nyolwa kutya okwa longwa moSouth Africa.

Natango onghee ngoo hatu eta outenda noumbilingu vanafangwa elela okudja koChina, omanga tu na eemina dokawe nongopolo, ta di dulu okuninga eudafano nokulandifa oinima kovanangeshefa vanini voo va nduluke.

Moshiloingo omu ohatu li pula kutya ounangeshefa munini okukalanda oilongomwa yapwa nale koilongo yokondje noulandifulula.

Tashi ti okwa fa ku wetike kutya ounangeshefa okumona eetendela kepangelo, okukalanda oikutu koChina ile koSouth Africa nokuilandifa ile okukala una okabashu komalodu. Eheno oinima oyo otai eta po, ashike ita i eta po shawana okukufa oshilongo melambo omo shili paife.

Oshili nomeva ashike okunwa aa omomakende ohaadi kondje yoilongo. Okutula Namibia pokatendo kopedu paliko, oshinima shii shili, ashike nafye ohatu tele oudila hatu kofa.

LEAVE A REPLY

Please enter your comment!
Please enter your name here