A kala eedula mokinda

0
275

Tusnelde Nghilinganye

Otamanzi-Okamati kena kedula omulongo inaka mona omhito opo kaka tameke ondodo yotete, shaashi kape na ou teka twala kofikola.
Okamati aka oke na oulema, ohaka ende ohaka ende noudjuu, nomolwa oulema ou, na itaka dulu oku enda oshinano shile nomolwa ounghudi ou, ita ka dulu okweenda oshinano shile.

Omadilaadilo aye okuli nawa, noye nokuli mo paife a kwatela ongudu yavo komesho. Otaku hokololwa kutya okamatyona keedula da tumbulwa pombada, Shamba Gideon okali ka dalwa ke na noukolele, ashike omanga ali a na eemwedi nhatu okweli dengapo no kweehama, ashike ovakulunhu vaye ka vali vadiinina noku wanifapo epango laye.

Frieda Nashilongo oo eli omukalimo womomukunda Omatha moshikandjohololo Otamanzi, nokuli yoo naye ta lumbu noulema, okwa hokololela Kundana ta ti; okwa ninga onghendabala opo meme waGideon oo taku hokololwa kutya paife omukalimo womomukunda Ontana moshitukulwa Oshikoto, a kundafanwe naye, opo vaye naye koshipangelo a ka kongele Gideon eembapila dokuya nado kombelewa oyo hai kwafele ovanhu ve na oulema, ashike ina yaGideon kali a holoka, nekwafo lokuya komesho okwali inaali manifwa.

Okwa weda po ta ti, omolwonghenda oyo e na, okwa ya kuXe yaGideon oo eli mbushe yaye nokupopya naye opo a yandje oukwatya waye opo okamonamati ka ka shangifwe kombelewa yo ukashike kokanhu, ashike eshi nasho ina shi pondoka shaashi nakudala ou okwali aanyena oufemba waye. Nashilongo ta ti, eshi a mona omananafapo pokati koonakudala ava vavali, okwali a kufa Gideon yemwene nokwe mu twala koshipangelo shaKahao opo a ka mone ombapila yaNdokotola shaashi okwa pumbwa ekwafo olo hali pewa ovanaulema. Oshipangelo shaOkahao oshali she va tumina koshipangelo shinene shepangelo mOshakati , omo va lombwelwa kutya oulema wa Gideon owalushe, onghee okwapumbwa ekwafo. Nashilongo okwali a lombwelwa kuNdokotola opo meme waGideon a holoke opo okamatyona kapewe omakwafo, nomolwelombwelo la Ndokotola Martha George ina ya Gideon ovaya pamwe naye koshipangelo shaOshakati, oko vapewa eembapila dayela kutya okamatyona okena oulema walushe.

George ota hokolola kutya okamona okashangwele muSeptemba odula ya djako, ashike fiyo opapa ina ka mona ekwafo. Kepulo kutya okwa kendabala yoo tuu okushuna kombelewa, okwa ti ina shunako natango. Okwa kumaidwa opo a shune kombelewa aka ude ouyelele.

Kansela woshikandjohoololo shaOtamanzi Johannes Iiyambo, kepulo nge ombelewa yaye oina ouyelele u nasha nokamati aka, ota ti, nonande okamatyona okwe ka mona mokutalelapo okinda opo ha ka fikola, ombelewa yaye kayali ya shiiva kutya Gideon iha mono omakwafo asha. Okwa udaneka yo kutya ngeno okwali e shi shii, ngeno ombelewa yaye oya yamo yoo olunyala.

Esther Aludhilu oo eli oye omutekuli nomufilishisho wa Shamba Gideon, okwa pandula Frieda Nashilongo, oo a kufa onghatu noku shangifa okatekulu. Nomapulo aeshe okwati Kundana napopye ashike na Nashilongo shaashi oye a kwafela nonge okatekulu oka mono omakwafo, Nashilongo oye na pandulwe, ye ita ti ko sha nande.

LEAVE A REPLY

Please enter your comment!
Please enter your name here