Omashongo a palamena Pombili moLuderitz

0
620

Tuulikki Abraham

Luderitz-Pombili Panduleni Toivo omunamido 18, ena oulema womaulu, no iha ende, ohelikoko ashike. Ashike nonande e na okatemba, meumbo iha dulu okukalongifa noupu nokulinyenge a manguluka molwasho onhele peumbo lavo, itai wapalele okungongola okatemba kaye.
Omolwo onghalo yatya ngaha okwa fininikwa okulikoka ashike.

Pombili omukalimo womolukanda loArea 7 moLüderitz, moshitopolwa sha //Karas, oha fikola poLüderitz Junior Secondery School.
Albertina, ina yaPombili, ota hokolola kutya, omona okwa pumbwa eyambidido shaashi ohelikoko ashike, nonande ena okatemba, ita dulu okukalongifa okuya pondje, shaashi inapa kolongwa.

“Omumwange ohelikoko ashike, unene tuu ngeenge tai ekeli vatele, kokandjuwo, oko keli pondje nohakalongifwa ku aveshe. Okutya tuu onda didilika a pumbwa sha shokutuvikila noku amena omaulu, neenyala daye ngee teli koko. Onde lineekela ovanawino, otava dulu tuu okumona kutya oiyakulifo yoludi olo otai hangika peni, nokukwafela omumwange, pamwe otai mu amene ngaa unene tuu meengolo domaulu, nokeenyala.” Albertina ta indile.

Albertina ota hokolola kutya oye aeke ha longo, xe ya Pombili iha longo, onghene ova pumbwa eyambidido, opo ngaa va mone omufilinghenda oo ta dulu okukwafela, okutula olupanda pondje nokuva tungila okandjuwo, shaashi kashina oundjolowele, komunhu helikoko, noku ka longifa okandjuwo ka aveshe.

Shimwe vali sha didilikwa ku ina yaPombili osheshi, itaa endifa nande nawa oilonga yaye mofikola. Okwa tumbula kutya oilongwa imwe, otai mu nyenge, noku uditeko ashike unene oshilongwa shoku longekida oikulya.

Omashongo makwawo, e mu taalela nande kamahapu ongashi eengulu dofikola dalondafana penongelo lavo. Ota ti, oilongwa imwe po, oheyi pewa meengulu dofikola odo dili pedu, na oha longifa nawa okatemba kaye, oko haka kala ashike keli kofikola, oko ha longifa, moku linyenga ngee eli kofikola.

Ongulu yoshilongwa shoku teleka osho e hole, oili pombada, opo Pombili iha dulu okulonda okuya keetrapa nokatemba kaye.
Ohakwafelwa kovalongwa vakwao, have mu humbata, okuya kongulu oyo ili pombada noku mu alula po.

Ota hokolola kutya efimbo limwe, ohadulu noku hutuka ou emu humbata noku li denga po, ashike, fiyo opapa, ineli denga po, ndele ta mono oshiponga.

Ota hokolola kutya, ngee tava longwa oshilongwa osho ehole sho kuteleka, kefiya eli tava deulilwa iha hangeko, oha pewa okafiya kanini oko eli deulile.

Albertina ota hokolola kutya, pefimbo ali aka tala omambo aPombili, neudo, okwa lombwelwa, komulongi wa Pombili kutya omona okwa pumbwa okuya kofikola yowina oyo tayi hangika ashike moWinhoek.

Ina yaPombili, okwa ti okwa pumbwa okumona ouyelele, welixwapo kutya, oshina oku enda ngahelipi, opo okanona kaye ka mone ondjila yokuya kofikola yowina, oyo tai yi li ashike ko Windhoek. Ye okuna omadilaadilo oo kutya, ngee, okwa yandjwa ouyelele nomavatelo aeshe taa pumbiwa ndele, Pombili ta tumwa kofikola yowina, ohashi dulika ngaa a ka pondole ko sha, osho tashi ka dula okumukwafela monghalamwenyo yaye.

Odula eyi Pombili okwawanifa eedula 18, yee ota endulula ongudu onhihetatu.
Albertina ota ti oulema itau mu imbi aye kofikola noku li honga , ashike okwa pumbwa eyambidido, opo a dule okumana ofikola yo, odjodi yaye ininge yoshili, yoku ka ninga omunashilonga wonhumba ngee a mane elihongo laye.

Omunafikola ou o hai kofikola efiku keshe no taxi , hai muile peumbo ongula noku ke mu tala kofikola. Okuna outemba vavali kamwe oke li keumbo , omanga kamwe ke li kofikola. Pombili ota hokolola kutya okatemba kamwe okwe ka pelwe omaano a Krismesa modula 2012 kwaao ali Mayora wodoolopa ya Lüderitz Suzan Ndjaleka, nokatemba kakwao okweka pewa omaano kova talelipo vali veuya poPrimafikola po Diaz.

Pombili ota hokolola kutya nekwafelo loutemba aveshe ava vavali ola ninga onghalamwenyo yaye ixwepo, opo a dule okulinyenga unene tuu kofikola oko ha uhala eli mokatemba teli nyenge a manguluka. Ashike ota tumbula kutya outemba aveshe vavali ohava longo sha faafana ohava pumbwa oku undulwa , osho Pombili a tumbula kutya okuna oupyakadi wo ku undula nonyala yaye yo kolulyo shaashi kai na naana eenghono da wana , ashike pa yambidido lo va nafikola vakwao oha ve mukwafele lela oku mu undula okumutwala kokandjuwo nosho tuu.

Kombinga yokuuya keumbo , Pombili okwa tumbula kutya onhele yo ku undula okatemba inai wana , onghene oha ende ashike telikoko, no pondje opena efululu , o he likoko ashike okuya kokandjuwo oko ha ka longifwa pomudingonoko.

LEAVE A REPLY

Please enter your comment!
Please enter your name here